Ğazoda qiş yaqinlaşmoqda, gumanitar yordam esa kirolmayapti

Kuçli yomğir va suv toşqinlari Ğazo sektoridagi minglab öz vatanida qoçqinga aylangan falastinliklarning şundoğam oğir ahvolini battarlaştirmoqda. 

Rasmiylarning ma’lum qilişiça, 70 mingga yaqin çodirni suv bosgan, bu esa 350 ming atrofidagi aholiga ta’sir körsatmoqda. Ba’zi qoçqinlar lagerlarida suv bir yarim metrgaça kötarilgan. 

Hozirda körpa-töşak, qişki kiyim-keçak va isitiş vositalariga ehtiyoj katta, biroq Isroil çeklovlari tufayli hududga gumanitar yordam yetarli hajmda kirolmayapti.

Avvalroq Isroildagi saylovlar yakunlanmagunça ijobiy özgarişlarga erişiş qiyin bölişi aytilgandi. Endi esa Tel-Avivda hukumat şakllanişini kutiş talab qilinmoqda.

Birlaşgan Millatlar Taşkiloti Boş kotibining gumanitar masalalar böyiça örinbosari Tom Fletçer bunday paysalga solişlarni zudlik bilan töxtatişga hamda Isroilni Ğazoga olib boruvçi barça ötiş yöllarini oçişga çaqirdi.

Hozirda Ğazo çegarasi taşqarisida 150 mingta çodir mavjud. Ularni zudlik bilan hududga olib kiriş zarur. Ğazoda foydalanilayotgan yupqa çodirlar esa kuçli yomğir va böronlarga bardoş bera olmaydi.

Sönggi bir hafta içida 10 ming nafar bolaga qişki kiyim-keçak va issiqlikni saqlaydigan körpalar yetkazib berilgan. Şuningdek, Ğazoga 50 mingta qum töldirilgan qop olib kirilgan. Biroq bu yordam yetarli emas. Oilalar uçun möljallangan mustahkam çodirlarni ham yetkaziş kerak.

Buning uçun barça çegara ötiş punktlari oçilişi, nodavlat taşkilotlarga Ğazoda işlaşga ruxsat berilişi lozim.

Kelgusi qiş davomida Ğazo aholisining uçdan ikki qismi — 1,4 million kişi oçlik inqiroziga duç kelişi mumkin. Zarur yordam vositalarini yetkaziş keçiksa, bu körsatkiç yanada oşadi. Sönggi ikki yil davomida gumanitar yordam uçun ajratiladigan mablağlarning keskin qisqartirilişi ham vaziyatni oğirlaştirmoqda.

Xalqaro hamjamiyat Ğazoga gumanitar yordam yetkaziş imkoniyatlarini kengaytiriş talabini qöllab-quvvatlamoqda. Xususan, Tinçlik kengaşi hamda G7 davlatlari Ğazoga gumanitar yordamni töliq yetkaziş zarurligini ta’kidlagan.