Исроилдаги ўзбекистонликлар мамлакатни қандай тарк этиши мумкин?

Қайд этилишича, мамлакатни тарк этиш истагида бўлган ўзбекистонликлар қуйидаги назорат ўтказиш пункти орқали чиқиб кетиши мумкин:

 •"Менахем Бегин" / "Таба" — Исроил-Миср чегарасида жойлашган (Исроилнинг Эйлат ва Мисрнинг Таба шаҳарлари ўртасида);

 • "Шайх Хусайн" — Исроил-Иордания шимолий чегарасида жойлашган (Исроилнинг Байт-Шеан ва Иорданиянинг Ирбит шаҳарлари ўртасида);

 • "Итсхак Рабин" / "Вади Арава" — Исроил-Иордания жанубий чегарасида жойлашган (Исроилнинг Эйлат ва Иорданиянинг Акаба шаҳарлари ўртасида).

Юқорида кўрсатилган чегара пунктлари ҳозирги вақтда одатий тартибда 24 саот давомида фаолият кўрсатмоқда.

1️Миср орқали:

Ўзбекистон фуқаролари "Менахем Begin"/"Таба" назорат-ўтказиш пунктини кесиб ўтиб, Мисрга визасиз ("Синай кириш муҳри" орқали) кира оладилар. "Синай кириш муҳри"- 14 кунгача фақат Синай ярим ороли ҳудудида бўлиш ҳуқуқини беради (Қоҳира ва бошқа шаҳарларга сафар қилиш мумкин эмас). 21 ёшга тўлмаган фуқароларга ота ёки оналаридан бири ҳамроҳлик қилиши шарт.Шунингдек, "Таба"дан Шарм аш-Шайхгача (270 км) автобус ёки автомобилларда ҳаракатланиш имконияти мавжуд. 

 Авиақатновлар (Шарм аш-Шайх аэропортидан):

- Uzbekistan Airways: Ҳафтасига 3 марта (сешанба, чоршанба, шанба, соат 12:35) Тошкентга.

- "Turkish Airlines: Ҳар куни 1 ёки 2 марта Истанбулга (Истанбул халқаро аэропортига) (Тошкентга транзит).

- Pegasus Airlines: Ҳар куни 1 ёки 2 марта Истанбулга («Сабиха Гёкчен» аэропортига)  (Тошкентга транзит).

2️ Иордания орқали:

"Шайх Хусайн" (Байт-Шеан ш.) ёки "Исхак Рабин"/"Вади Арава" (Эйлат ш.) назорат-ўтказиш пунктлари орқали Иордания пойтахтигача бориб, кейин қуйидаги авиайўналишлардан фойдаланиш мумкин:

• «Уммон – Истанбул – Тошкент»

• «Уммон – Дубай – Тошкент»

Элчихонага кўра, Иорданияга кириш учун мамлакат ИИВ сайти орқали виза олиш зарур: 

https://www.moi.gov.jo 

https://moi.gov.jo/EN/Pages/Visa_E_Applications 

https://www.eservices.moi.gov.jo.  

Зарур ҳолларда Ўзбекистон Элчихоналарининг фавқулодда телефон рақамларига мурожаат қилишингиз мумкин:

- Мисрда (+202 333-617-23; +20 128 666-1441, eg.uzembassy@mfa.uz);

- Саудия Арабистонида, ўриндошлик асосида Иорданияда (+966 11 263-5223, +966 56 721-7731, uzbembriyadh@gmail.com);

- Исроилда (+972 (3) 672-2466, 672-2371, 758-5075, 758-5076, (54) 485-1397, il.uzembassy@mfa.uz).

"Исроил ҳудудини тарк этаётганда шахсий хавфсизлик эҳтиёт чораларини кўришни ва Фронт орти буйруғи томонидан берилган кўрсатмаларга қатъий амал қилишни сўраймиз", дейилади элчихона хабарида.

Ўзбекистоннинг Исроилдаги элчихонаси бундан аввал мамлакатда юзага келган мураккаб вазият юзага келаётганлигини эътиборга олиб ўзбекистонликларни шахсий хавфсизлик чораларини кўриш ва ракета отишмалари пайтида бошпаналарини тарк этмасликларини сўраган эди.