Bugun Yevro – 2024 ning chorak final bahslariga start beriladi

 Jamoalarning oxirgi oʻyinlariga eʼtibor qaratilsa kuchlar teng. Chunki mezbon Germaniya ham, Ispaniya ham birdek kuchli oʻyin koʻrsatib kelmoqda. Bu jarayonda qurʼaning ham oʻrni katta, lekin ularning koʻrsatayotgan oʻyini va tarkibi ham kuchli.
     Fransiya va Portugaliya juftligi ham favqulodda bir-biriga mos jamoa. Guruhdan ustun boʻlib emas, amallab chiqdi. Portugaliya jamoasi darvozaboni Diogo Costa boʻlmaganida chorak finalda Portugaliya jamoasi bilan xayrlashishga toʻgʻri kelar edi. Sloveniya, Slovakiya, Austria kabi terma jamoalarning bunday kuchli oʻyin koʻrsatib, jang taklif qilishi va bundan keyin boʻladigan yevropa musobaqalarida jamoalarning imkoniyatlari, kuchlar tengligidan dalolat beradi. Muxlislar kuchli tarkibga ega fransuzlardan kutilgan kuchli oʻyinni koʻrmadi. Jahon chempionatlarini allaqachon oʻziniki qilib olgan Mbappe hali katta maydonga chiqmadi. Fransiyaning bu bosqichgacha yetib kelishi asosan penaltidan urilgan va avtogollar hisobiga toʻgʻri kelyapti. Qarshi tarafda ham shu ahvol. Ronaldo hali hamon gol urmadi(penaltidan tashqari). Ronaldo Partugaliya uchun emas, Portugaliya futbolchi uchun oʻynashiga toʻgʻri kelmoqda. Xullas qarshi tomonni hisobga olmasak adolatli tanlov va bir-biriga mos terma jamoalar oʻzaro oʻynaydi. YeVRO-2016 finali alamini Fransiya Partugaliyadan oladimi yoki Braziliya yashil maydonlarida oʻtgan 2014 yilgi jahon chempionati yarim final bahsidagi mezbonlarning kuni Germaniya boshiga tushadimi? Bugun bu kabi savollarga javob olinadi. Tarkibi shundogʻam kuchli Angliyaning finalgacha kelish ehtimoli yuqori, sababi birgina Gollandiyani inobatga olmasa Shvetsariya, Turkiya kabi jamoalar Angliya darajasida emas. Angliya finalgacha chiqishi, lekin finalda oson boʻlmasligi mumkin. Katta jamoalar bilan oʻyin nuqtayi nazaridan kim finalga chiqsa, oʻsha chempionlik uchun asosiy daʼvogar boʻladi.