Бугун Евро – 2024 нинг чорак финал баҳсларига старт берилади

 Жамоаларнинг охирги ўйинларига эътибор қаратилса кучлар тенг. Чунки мезбон Германия ҳам, Испания ҳам бирдек кучли ўйин кўрсатиб келмоқда. Бу жараёнда қуръанинг ҳам ўрни катта, лекин уларнинг кўрсатаётган ўйини ва таркиби ҳам кучли.
     Франсия ва Португалия жуфтлиги ҳам фавқулодда бир-бирига мос жамоа. Гуруҳдан устун бўлиб эмас, амаллаб чиқди. Португалия жамоаси дарвозабони Диого Cоста бўлмаганида чорак финалда Португалия жамоаси билан хайрлашишга тўғри келар эди. Словения, Словакия, Аустриа каби терма жамоаларнинг бундай кучли ўйин кўрсатиб, жанг таклиф қилиши ва бундан кейин бўладиган европа мусобақаларида жамоаларнинг имкониятлари, кучлар тенглигидан далолат беради. Мухлислар кучли таркибга эга франсузлардан кутилган кучли ўйинни кўрмади. Жаҳон чемпионатларини аллақачон ўзиники қилиб олган Мбаппе ҳали катта майдонга чиқмади. Франсиянинг бу босқичгача етиб келиши асосан пеналтидан урилган ва автоголлар ҳисобига тўғри келяпти. Қарши тарафда ҳам шу аҳвол. Роналдо ҳали ҳамон гол урмади(пеналтидан ташқари). Роналдо Партугалия учун эмас, Португалия футболчи учун ўйнашига тўғри келмоқда. Хуллас қарши томонни ҳисобга олмасак адолатли танлов ва бир-бирига мос терма жамоалар ўзаро ўйнайди. ЕВРО-2016 финали аламини Франсия Партугалиядан оладими ёки Бразилия яшил майдонларида ўтган 2014 йилги жаҳон чемпионати ярим финал баҳсидаги мезбонларнинг куни Германия бошига тушадими? Бугун бу каби саволларга жавоб олинади. Таркиби шундоғам кучли Англиянинг финалгача келиш эҳтимоли юқори, сабаби биргина Голландияни инобатга олмаса Шветсария, Туркия каби жамоалар Англия даражасида эмас. Англия финалгача чиқиши, лекин финалда осон бўлмаслиги мумкин. Катта жамоалар билан ўйин нуқтайи назаридан ким финалга чиқса, ўша чемпионлик учун асосий даъвогар бўлади.