Dunyoning eng boy Top 5 sportchilari haqida bilasizmi?

Roʻyxatning en yuqori qismini koʻpchilikka mashhur futbol yulduzi Krishtianu Ronaldu egallab turibdi.

1.  Krishtianu Ronaldu

Portugaliyalik futbolchi  dunyoning eng koʻp maosh oluvchi va boy sportchisi sifatida toʻrtinchi marta bu roʻyxatni eng yuqori qismini egallab turibdi. U umumiy 260 million dollarlik daromadga ega. Yillik daromadning 200 million dollari Saudiya Pro-ligasidagi "Al Nassr" klubi bilan shartnomasiga toʻgʻri keladi. Qolganlari esa Ronalduning maydondan tashqari reklama, instagram va boshqa bizneslari hisobiga keladi. Yaqinda portugaliyalik yulduz oʻz You Tube kanalini ochdi va juda qisqa vaqtda millionlab obunachiga ega boʻldi. Bu degani endi Ronaldu oʻzining You Tube platformasidan ham ancha daromad qiladi. 

Maʼlumot uchun, Krishtianu Ronalduni instagramdagi obunachilari 638 million, You Tube kanalidagi obunachilari 55,9 millionni tashqil qiladi.

2.  Jon Rahm

1994 yilda Amerikada tugʻilgan Jon Rahm reytingda ikkinchi oʻrinni egallab turibdi. Havaskor Golfchi hozirda Ispaniyada istiqomat qiladi. Uning asosiy daromad manbayi Golf sporti hisoblanadi. 2022 yil fevral oyida Saudiya Arabistoni tomonidan qoʻllab-quvvatlangan professional golf ligasini tashkil etilishi uning hayotida katta ahamiyat kasb etdi. Jon Rahm 2023 yilda ligaga qoʻshildi va LIVning 13-jamoasi tarkibida oʻynay boshladi. Shundan soʻng Jon Rahmning daromadi koʻtarilib ketdi. Hozirda u Legion 12 sardori etib tayinlangan. Golf olamidagi eng yuqori daromadga ega sportchining yillik foydasi 218 million dollarga teng. Daromadning 20 millionini u Golfdan tashqari bizneslaridan oladi. 

3.  Lionel Messi

Reytingning kuchli uchligidan Argentinalik futbolchi Leo Messi oʻrin oldi. Messining "Inter Mayami"ga oʻtishi unga bir qancha eshiklarni ochib berdi. Futbolchi AQSh klubidagi bir necha million dollarlik maoshidan tashqari koʻplab brendlar bilan tuzgan shartnomasi orqali ham katta daromadga ega. Misol uchun ulardan biri Royal Caribbean. Bundan tashqari, u Apple, Adidas va Konami kabi homiylar bilan kelishuvlar tuzgan. Leo Messining umumiy daromadi 135 million dollorni tashkil qiladi. Futbolchi klubidan 65 million dollor olsa, sportdan tashqaridagi bizneslaridan 70 million dollar daromad qiladi. Bundan koʻrinib turibdiki Messining asosiy daromad manbayini futbol emas, reklama va tashqi bizneslar tashkil qiladi.

4. Lebron Jeyms

Toʻrt karra NBA chempioni, ikkita Olimpiya medali sohibi va NBAtarixidagi eng koʻp ochko toʻplagan basketbolchi hozirda "Los-Anjeles Leykers" jamoasi aʼzosi Lebron Jeyms reytingda toʻrtinchi oʻrinni egalladi. Uning umumiy daromadi 128 million dollarni tashkil etadi. 40 yoshli amerikalik basketbolchi oʻzi shugʻullanayotgan sport turidan yilliga 48 million dollar daromad qiladi. Jeymsning sportdan tashqari keladigan yillik foydasi 80 million dollarga teng. Lebron Jeyms oʻz boyligini koʻpaytirish maqsadida yanvar oyida DraftKings bilan hamkorlikni yoʻlga qoʻydi.

5.  Jannis Antetokounmpo

Umumiy yillik daromadi 111 million dollarni tashkil qiluvchi basketbolchi Jannis Antetokounmpo reytingni yakunlab beradi. Gretsiyada tugʻilgan asli kelib chiqishi Afrika millatiga mansub bu sportchi hozirda dunyoning birinchi raqamli basketbolchilaridan biri hisoblanadi. Jannis basketboldan tashqari ham faol shaxs. U Nigeriyadagi bir qancha xayriya fondlari aʼzosi hisoblanadi. Jannis shu yil fevral oyida Pepsi kompaniyasining Starry alkogolsiz ichimliklari bilan kelishuvga erishdi. Hozirda 30 yoshni qarshilagan basketbolchi daromadining asosiy ulushini katta kompaniyalar va tashkioltlar bilan tuzilgan shartnomalar tashkil etadi. U sportdan tashqari yiliga 65 million dollar foyda koʻradi.