FIFA reytingi yangilandi: O‘zbekiston reytingda 10 pog‘ona pastladi

📍 Yangilangan FIFA reytingi (TOP-10):
🇪🇸 Ispaniya – 1995,88 (+30,27)
🇦🇷 Argentina – 1970,37 (0,00)
🇫🇷 Fransiya – 1948,97 (0,00)
🏴 Angliya – 1922,83 (+33,41)
🇧🇷 Braziliya – 1804,92 (0,00)
🇲🇦 Marokash – 1803,99 (0,00)
🇵🇹 Portugaliya – 1787,85 (0,00)
🇧🇪 Belgiya – 1778,36 (0,00)
🇳🇱 Niderlandiya – 1775,54 (+0,04)
🇲🇽 Meksika – 1754,30 (0,00)

Jahon chempionati finalida qahramon boʻlgan Ispaniya reytingda ham buning mevasini terdi — jamoa 30,27 ochko qoʻshib, yetakchilikni mustahkamladi. Angliya finalgacha yetib borgani uchun 33,41 ochko yutdi, biroq bu Ispaniyani birinchilikdan siljita olmadi.

Oʻzbekiston esa bu manzaraning boshqa qutbida turibdi. Terma jamoa Jahon chempionatidagi uchta magʻlubiyat uchun 49 reyting balini yoʻqotdi va FIFA reytingida 50-oʻrindan 60-oʻringa tushib ketdi. Bu jamoaning 2024 yil sentyabridan buyon qayd etgan eng yomon pozitsiyasidir.

Osiyo terma jamoalari orasida Oʻzbekiston endi yettinchi oʻrinni egallab turibdi. Fabio Kannavaro qoʻl ostidagi jamoaning pozitsiyasiga 2026 yilgi Jahon chempionati natijalari taʼsir koʻrsatdi — Oʻzbekiston guruh bosqichida Kolumbiyaga 1:3, Portugaliyaga 0:5 va Kongo DRga 1:3 hisobida imkoniyatni boy berib, turnirni ochko toʻplamasdan yakunladi.

Qitʼaning eng yaxshi terma jamoasi boʻlib jahon reytingida 17-pogʻonadan joy olgan Yaponiya qolmoqda (+1 oʻrin). Eron 22-oʻrinni (-2), Avstraliya 28-oʻrinni (-1), Janubiy Koreya esa 32-oʻrinni (-7) band etgan.

Oʻzbekistondan bevosita yuqorida mos ravishda 58 va 59-oʻrinlarni egallab turgan Saudiya Arabistoni (+3) va Qatar (-3) joylashgan.

Maftuna Baxtiyorova