Besh yil avvalgi bashorat: Argentina Ispaniyani 3:2 hisobida yutadi

Unda noma’lum foydalanuvchi xuddi shu uchrashuvni va hatto hisobini oldindan "bashorat" qilgan edi.

Besh yil muqaddam e’lon qilingan ushbu postda muallif "Argentina Jahon chempionati–2026 finalida Ispaniyani 3:2 hisobida mag‘lub etadi" deb yozgan edi. O‘shanda bu oddiy taxmin sifatida qabul qilingan va uncha e’tibor tortmagan.

Ammo vaziyat endi o‘zgardi. Argentina Angliyani yarim finalda 2:1 hisobida, Ispaniya esa Fransiyani 2:0 hisobida mag‘lub etib, finalga yo‘llanma olgach, eski post qayta topilib, ijtimoiy tarmoqlarda yashin tezligida tarqala boshladi. Foydalanuvchilar muallifning "ko‘ruvchanligi"dan hayratda — zero, finalda xuddi shu ikki terma jamoa — Lionel Messi boshchiligidagi Argentina va Lamin Yamal rahbarligidagi Ispaniya ro‘para keladi.
Ta’kidlash joizki, bu ikki terma jamoa tarixda Jahon chempionati finalida hali biror marta uchrashmagan. 

Argentina va Ispaniya o‘rtasidagi bosh hal qiluvchi uchrashuv 19 iyul kuni Nyu-York/Nyu-Jersi stadionida bo‘lib o‘tadi. Argentina mudofaadagi chempion unvonini himoya qilsa, Ispaniya esa 2010 yildan beri birinchi bor kubokni qo‘lga kiritishga intilmoqda.
    Postning haqiqiy bashorat bo‘lish-bo‘lmasligini vaqt ko‘rsatadi — buni faqat 19 iyul kuni o‘yin yakunida bilib olamiz.
 

Maftuna Baxtiyorova