FIFA рейтинги янгиланди: Ўзбекистон рейтингда 10 поғона пастлади

📍 Янгиланган ФИФА рейтинги (ТОП-10):

🇪🇸 Испания – 1995,88 (+30,27)
🇦🇷 Аргентина – 1970,37 (0,00)
🇫🇷 Франция – 1948,97 (0,00)
🏴 Англия – 1922,83 (+33,41)
🇧🇷 Бразилия – 1804,92 (0,00)
🇲🇦 Марокаш – 1803,99 (0,00)
🇵🇹 Португалия – 1787,85 (0,00) 
🇧🇪 Бельгия – 1778,36 (0,00)
🇳🇱 Нидерландия – 1775,54 (+0,04)
🇲🇽 Мексика – 1754,30 (0,00)

Жаҳон чемпионати финалида қаҳрамон бўлган Испания рейтингда ҳам бунинг мевасини терди — жамоа 30,27 очко қўшиб, етакчиликни мустаҳкамлади. Англия финалгача етиб боргани учун 33,41 очко ютди, бироқ бу Испанияни биринчиликдан силжита олмади.

Ўзбекистон эса бу манзаранинг бошқа қутбида турибди. Терма жамоа Жаҳон чемпионатидаги учта мағлубият учун 49 рейтинг балини йўқотди ва ФИФА рейтингида 50-ўриндан 60-ўринга тушиб кетди. Бу жамоанинг 2024 йил сентябридан буён қайд этган энг ёмон позициясидир.

Осиё терма жамоалари орасида Ўзбекистон энди еттинчи ўринни эгаллаб турибди. Фабио Каннаваро қўл остидаги жамоанинг позициясига 2026 йилги Жаҳон чемпионати натижалари таъсир кўрсатди — Ўзбекистон гуруҳ босқичида Колумбияга 1:3, Португалияга 0:5 ва Конго ДРга 1:3 ҳисобида имкониятни бой бериб, турнирни очко тўпламасдан якунлади.

Қитъанинг энг яхши терма жамоаси бўлиб жаҳон рейтингида 17-поғонадан жой олган Япония қолмоқда (+1 ўрин). Эрон 22-ўринни (-2), Австралия 28-ўринни (-1), Жанубий Корея эса 32-ўринни (-7) банд этган.

Ўзбекистондан бевосита юқорида мосравишда 58 ва 59-ўринларни эгаллаб турган Саудия Арабистони (+3) ва Қатар (-3) жойлашган.
 

Мафтуна Бахтиёрова