Garvard xalqaro talabalarsiz qolmoqda. Tramp maʼmuriyati SEVP sertifikatini bekor qildi

Garvard rahbariyati Trampning bu qarorni "noqonuniy' deb atab, uni jazolovchi va siyosiy harakat sifatida tanqid qildi. Universitet rahbariyati xalqaro talabalarni qoʻllab-quvvatlashga tayyorligini maʼlum qildi. Hozirda bu chora faqat 6,700 dan ortiq talabaga taʼsir qilishi mumkin.

Ichki Xavfsizlik kotibi Kristi Noemning aytishicha, bu qaror Garvard “qonunga rioya qilmagani” uchun qabul qilingan va bu boshqa universitetlar uchun “ogohlantirish” boʻlishi kerak.

Noem Garvarddan xalqaro talabalar boʻyicha besh yillik intizomiy yozuvlar, shuningdek, ular ishtirokidagi "xavfli" yoki 'noqonuniy" harakatlarga oid video, audio va elektron maʼlumotlarni topshirishni talab qilgan. Universitetga 72 soat ichida bu talablarni bajarish taklif etilgan.

Talabalar orasida vahima va norozilik kuchaymoqda. Avstraliyalik magistrant Sara Devis bu yangilik diplom topshirilishiga besh kun qolganida chiqqanini va oʻz kelajagiga tahdid solayotganini aytdi. Shvetsiyalik talabasi Leo Gerden esa “xalqaro talabalar siyosiy oʻyinda garovga aylantirildi” deya tanqid qildi.

Shu bilan bir vaqtda Kaliforniya sudyasi Tramp maʼmuriyatining barcha xalqaro talabalar vizasini toʻxtatish qarorini vaqtincha blokladi.