Pedagog xodimlarga 1-oktyabr munosabati bilan qança mukofot puli beriladi?

Vazirlar Mahkamasining 2019-yil 30-sentyabrdagi 823-son qarori bilan tasdiqlangan nizomning 29-bandida umumta'lim muassasalari xodimlari, şu jumladan rahbar xodimlari faqat «1-oktyabr — Öqituvçi va murabbiylar kuni» munosabati bilan Jamğarmaning mavjud mablağlari hisobidan mehnatga haq tölaşning eng kam miqdorining 50 foizigaça miqdorda mukofotlanişi mumkinligi qayd etilgan edi.

Prezidentning 2025-yil mart oyidagi farmoni bilan Vazirlar Mahkamasining “Umumiy örta ta'lim muassasalarining örnak körsatgan xodimlarini moddiy rağbatlantiriş tartibini takomillaştiriş töğrisida” 2019-yil 30-sentyabrdagi 823-son qaroriga özgartiriş kiritildi.

Unga köra, pedagog va rahbar xodimlarga beriladigan mukofot puli miqdori mehnatga haq tölaşning eng kam miqdorining 75 foizigaça etib belgilandi.

Bunda mukofot puli miqdorini hisoblaşda öqituvçining oylik maoşi emas, balki mehnatga haq tölaşning eng kam miqdoridan kelib çiqib hisob-kitob qilinadi.

Ma'lumot uçun, hozirgi kunda mehnatga haq tölaşning eng kam miqdori oyiga 1 mln 360 ming sömni taşkil qiladi.

Ya'ni, endi pedagog va rahbar xodimlarga «1-oktyabr — Öqituvçi va murabbiylar kuni» munosabati bilan 1 mln 20 ming sömgaça miqdorda mukofot puli beriladi.