Toshkent jamoat transporti parki 202 ta yangi YUTONG elektrobus bilan boyidi

Tantanali topshirish marosimida Toshkent shahar hokimi, Transport vaziri Ilhom Mahkamov, Oliy Majlis deputatlari, jamoatchilik vakillari hamda blogerlar ishtirok etdi. Marosimda vazir yangi harakat tarkibini qabul qilgan haydovchilar va “Toshshahartransxizmat” AJ jamoasini qutlab, ularning mehnatini alohida taʼkidladi.

Tizimdagi yangiliklar va natijalar:

2025 yilning ikkinchi choragida kunlik yoʻlovchi tashish hajmi 1,4 million nafarga yetdi;

Yoʻnalishlar umumiy uzunligi 2 945 kmdan 2 990,8 kmgacha kengaydi;

Jamoat transportining oʻrtacha tezligi 18 km/soatdan 21 km/soatgacha oshdi;

Elektrobuslar uchun 100 ta quvvatlash uskunasi oʻrnatildi.

Yangi elektrobuslar shahar havosini soflashtirishga xizmat qiladi. Hisob-kitoblarga koʻra, soʻnggi yillarda avtobuslardan chiqadigan zararli moddalar miqdori har oyda 93,3 tonnaga kamaygan.

2030 yilgacha maqsad:

Shaharda jami 1 200 ta elektrobus xarid qilinib, ularning umumiy ulushi jamoat transporti parklarida 63 foizgacha yetkaziladi. Bu esa ekologiya, qulaylik va energiya tejamkorlik yoʻnalishidagi muhim qadam hisoblanadi.