Toshkentdagi sexda chiqqan yongʻin bir soatda oʻchirildi

Qayd etilishicha, yongʻin Usta Shirin koʻchasida joylashgan mebel ishlab chiqarish korxonalarining birida ertalab soat 07:28 da boshlangan. Uni oʻchirish uchun qutqaruv ekipajlari hududga 07:34 da yetib borgan. Yongʻin 07:58 da qurshab olinib, soat 08:56 da toʻliq oʻchirilgan.

"Yongʻin oqibatida tan jarohati olgan va vafot etganlar yoʻq. Ayni vaqtda yongʻinning kelib chiqish sababi va moddiy zarari aniqlanmoqda", deyiladi xabarda.

Eslatib oʻtamiz, joriy yilning 24 avgust kuni Toshkent shahar Yangihayot tumani Yangi Darxon koʻchasida joylashgan omborxonada ham yongʻin yuzaga kelgan edi. Uni bartaraf etish uchun 19 ta yongʻin oʻchirish va boshqa maxsus texnikalar jalb etilgandi. Shunga qaramay mazkur yongʻin bir soatdan oshiqroq vaqt davom etgan.