Тошкентдаги цехда чиққан ёнғин бир соатда ўчирилди

Қайд этилишича, ёнғин Уста Ширин кўчасида жойлашган мебель ишлаб чиқариш корхоналарининг бирида эрталаб соат 07:28 да бошланган. Уни ўчириш учун қутқарув экипажлари ҳудудга 07:34 да етиб борган. Ёнғин 07:58 да қуршаб олиниб, соат 08:56 да тўлиқ ўчирилган.

"Ёнғин оқибатида тан жароҳати олган ва вафот этганлар йўқ. Айни вақтда ёнғиннинг келиб чиқиш сабаби ва моддий зарари аниқланмоқда", дейилади хабарда.

Эслатиб ўтамиз, жорий йилнинг 24 август куни Тошкент шаҳар Янгиҳаёт тумани Янги Дархон кўчасида жойлашган омборхонада ҳам ёнғин юзага келган эди. Уни бартараф этиш учун 19 та ёнғин ўчириш ва бошқа махсус техникалар жалб этилганди. Шунга қарамай мазкур ёнғин бир соатдан ошиқроқ вақт давом этган.