Uyi buzilishga tushgan fuqarolarga 3 turdagi kompensatsiya taklif etiladi

Respublika boʻyicha 42 mingdan ortiq koʻp qavatli uylar mavjud boʻlib, ularning 17 mingtasi 2-3 qavatli hisoblanadi. 

Ulashish:

Har yili 145 mingta turar joyga boʻlgan talabni qondirish uchun 2019-2023 yillar davomida oʻrtacha 60 mingta, 2024 yilda esa 100 mingta yangi turar joylar qurilgan boʻlib, bu borada oʻsib borayotgan ehtiyojlarni qondirish uchun qoʻshimcha yer resurslari talab etilmoqda.

Bugungi kunda respublika boʻyicha 42 mingdan ortiq koʻp qavatli uylar mavjud boʻlib, ularning 17 mingtasi 2-3 qavatli hisoblanadi. Bu uylarning 343 tasi foydalanish muddatidan oʻtgan, yaʼni texnik jihatdan yaroqsiz hisoblanadi. Elektr, suv taʼminoti eskirgan, ayrimlarida oqova suv tarmogʻi ham mavjud emas. Hojatxonalari umumiy yoki uy tashqarisida joylashganlari ham yoʻq emas. Ammo shunga qaramay, bu uylarda aholi vakillari yashashda davom etmoqda.

Tahlillarga koʻra, 17 mingta 2-3 qavatli uylar oʻrnida 7-9 qavatli 13,5 mingta zamonaviy uy-joy qurish imkoniyati mavjud. Bu esa hozirgi hududda taxminan 3 barobar koʻp aholini uy-joy bilan taʼminlash mumkin. Yangi quriladigan uylar esa zamonaviy, barcha sharoitlarga ega holda, energetik va infratuzilma resurslarini tejagan holatda barpo etiladi. 

Bu sohada yagona qonun hujjati mavjud emas edi. Shundan kelib chiqib, jamoatchilik va soha mutaxassislari ishtirokida “Shaharsozlik renovatsiyasi toʻgʻrisida”gi qonun loyihasi ishlab chiqildi. Mazkur hujjat loyihasi parlament quyi palatasining bugungi majlisida birinchi oʻqishda muhokama qilindi.

Qayd etilganidek, loyihada shaharsozlik renovatsiyasi asoslari va maqsadlari, majburiy shartlari, asosiy prinsiplari, renovatsiya bosqichlari, bu borada loyihalarni ishlab chiqish va amalga oshirish tartibi, sohada davlat boshqaruvi asoslari belgilanmoqda.

Shuningdek, shaharsozlik renovatsiyasi loyihasini boshlash uchun barcha huquq egalari bilan notarial tartibda kelishuv bitimi imzolanishi belgilanyapti. Yaʼni, hech kim renovatsiyada ishtirok etishga majburlanmasligi hamda renovatsiya ixtiyoriylik prinsipiga asoslanishi mustahkamlanmoqda.

Qonun loyihasida aynan qaysi hududlar renovatsiya qilinishi mumkinligiga doir aniq mezonlar belgilanmoqda. Yaʼni, hududning bosh rejasida renovatsiya hududi sifatida eʼtirof etilgan boʻlishi, uy-joylar yashash uchun butunlay yaroqsiz holda boʻlishi va aholining ijtimoiy holatiga jiddiy taʼsir koʻrsatadigan holatlar mavjud boʻlishi hududning renovatsiya qilinishiga asos sifatida belgilanmoqda. 

Albatta, renovatsiya dasturi loyihasi renovatsiyaga tushadigan uy-joy mulkdorlarining roziligiga asoslanishi hamda keng jamoatchilik muhokamalaridan oʻtkazilishi lozim. Bu borada renovatsiyaga mahalliy hokimlik, shu hudud aholisi va investorlar taklif kiritishi mumkinligi, buning uchun esa oʻsha hududning kamida 80 foiz aholisining roziligi notarial tasdiqlangan boʻlishi shartligi oʻz aksini topgan. Taklif kiritilgandan soʻnggina loyiha ishlab chiqiladi. Mulkdorlarning roziligisiz buzishlarga va qurilishlarga yoʻl qoʻyilmaydi. 

Mulkdorlar uchun uch xil kompensatsiya shakllari nazarda tutilmoqda. Birinchisi, renovatsiya hududining oʻzidan turar yoki noturar joy berish, ikkinchisi, boshqa hududdan joy berish va uchinchisi, uyning bozor qiymatidagi bahosida pul toʻlash. 

Bundan tashqari, ijarada yashab turgan aholi vakillari uchun ijara puli toʻlab beriladi. Har bir mulkdorga oʻzining mulki bozor qiymatining qoʻshimcha 12 foizi miqdorida bir martalik tovon puli ham toʻlanadi. 

Renovatsiya qurilish muddati 2 yil etib belgilanmoqda. Agar quruvchi 2 yilda qurib ulgurmasa, kechikkan har bir kun uchun mulkdorlarga mulk qiymatining 0,5 foizi miqdorida penya toʻlaydi. 

Shuningdek, har bir loyiha boʻyicha alohida direksiya tuzilishi koʻzda tutilmoqda. Agar qurilish yakunlanmay qolsa yoki choʻzilib ketsa, yangi investor jalb etilib, yakuniga yetkaziladi. Boshlangan loyiha toʻxtab qolmasligi davlat tomonidan kafolatlanadi. 

Muhokamalar davomida deputatlar tomonidn bir qator savollar koʻtarildi. Qonun tashabbuskorlari oʻrtaga tashlangan savollarga batafsil tushuntirishlar berdi. Qizgʻin muhokama va savol-javoblardan soʻng, qonun loyihasining bugungi kundagi dolzarbligi taʼkidlanib, birinchi oʻqishda qabul qilindi. 

Oʻzbekiston

06.08.2025, 11:08

Ulashish:

Mavzuga oid yangiliklar

Uyi renovatsiyaga tushgan fuqarolarga kompensatsiya beriladi

“Shaharsozlik renovatsiyasi toʻgʻrisida”gi qonun loyihasi ishlab chiqilib, parlament quyi palatasidagi fraksiyalarning yigʻilishlarida birinchi oʻqishda koʻrib chiqildi.

Oʻzbekiston

05.08.2025, 11:02

Buzilayotgan turar va noturarjoy obʼektining bozor qiymati toʻliq qoplab beriladi

Buzilayotgan turar va noturarjoy obʼektining bozor qiymati toʻliq qoplab beriladi

Oʻzbekiston hududida renovatsiya asosida buzilayotgan turar va noturarjoy obʼektining bozor qiymati toʻliq qoplab beriladi. Bu haqda Adliya vazirligining "Huquqiy axborot" Telegram-kanalida ma’lum qilindi.

Siyosat

24.02.2025, 11:29

Urbanizatsiya Konstitutsiya va inson huquqlarini oyoq osti qilmasligi kerak

BMTning maxsus maʼruzachisi Balakrishnan Rajagopal mamlakatimizda tegishli uy-joy huquqini himoya qilish va amalga oshirish masalalarini oʻrganish maqsadida Oʻzbekistonga tashrif buyurdi.Birlashgan Millatlar Tashkilotining Inson huquqlari boʻyicha Oliy komissari boshqarmasi veb-saytiga koʻra, "Janob Rajagopal milliy qonunchilik va amaliyotda tegishli uy-joy huquqini himoya qilish va amalga oshirishni, shu jumladan uy-joyning arzonligi va arzonligi xizmatlardan foydalanish imkoniyatlarini oʻrganadi. majburiy koʻchirish. Unda Oʻzbekiston hukumati tomonidan aholining barcha guruhlari uchun munosib uy-joy huquqini taʼminlash boʻyicha koʻrilayotgan chora-tadbirlar tahlil qilinadi, shuningdek, iqlim inqirozining ushbu huquqqa taʼsiri va aholining uy-joy masalalari boʻyicha qarorlar qabul qilishdagi ishtiroki oʻrganiladi. 

Oʻzbekiston

30.08.2024, 17:49

So‘nggi yangiliklar

Isroil armiyasi Yaman poytaxtiga bir qator havo zarbalari yoʻlladi

Zarbalar husiylar yetakchisi Abdulmalik al-Husiy nutq soʻzlayotgan vaqtda amalga oshirilgan.

Jahon

29.08.2025, 18:41

Kartoshka yetishtirish boʻyicha qaysi hudud yetakchi?

2025 yil yanvar–iyun oylarida respublikadagi barcha toifadagi xoʻjaliklar tomonidan 1,9 mln tonna kartoshka yetishtirilgan.

Iqtisodiyot

29.08.2025, 17:37

Oʻzbekistondagi qaysi muzeylarga sayyohlar eng koʻp boryapti?

Milliy statistika qoʻmitasi maʼlumotlariga koʻra, 2025 yilning 1 yanvar holatiga, Oʻzbekistonda 138 ta muzey faoliyat koʻrsatmoqda (filiallarni ham qoʻshganda).

Madaniy

29.08.2025, 16:33

Andijon va Namangan viloyatlarida korrupsion holatlar fosh etildi

Andijonda Ekologiya boshqarmasining rahbarlaridan biri hamda hokim oʻrinbosari, Namangan “RayONO” mudiri hamda ikkita xususiy bogʻcha rahbarlari korrupsiyaga yoʻl qoʻygani aniqlandi.

Oʻzbekiston

29.08.2025, 15:53

Shavkat Mirziyoyev Islom sivilizatsiyasi markazida pardozlash va jihozlash ishlarini koʻzdan kechirdi

Davlat rahbari markazdagi bunyodkorlikni yuqori baholab, uning faoliyatini toʻgʻri tashkil etish, maʼno-mazmunini boyitib borish yuzasidan koʻrsatmalar berdi.

Oʻzbekiston

29.08.2025, 15:24

Shavkat Mirziyoyev Mustaqillik monumentiga gulchambar qoʻydi, Yangi Oʻzbekiston koʻchasidagi yerosti avtomobil yoʻli ochildi

Prezident Shavkat Mirziyoyev “Yangi Oʻzbekiston” bogʻiga tashrif buyurib, Mustaqillik monumenti poyiga gulchambar qoʻydi. Shuningdek, Yangi Oʻzbekiston koʻchasida barpo etilgan yerosti avtomobil yoʻlini koʻzdan kechirdi.

Oʻzbekiston

29.08.2025, 15:19

Shavkat Mirziyoyev qatagʻon qurbonlarini yod etish marosimida ishtirok etdi

Qatagʻon qurbonlarini yod etish kuni munosabati bilan 29 avgust kuni Shahidlar xotirasi xiyoboniga davlat va jamoat tashkilotlari vakillari, nuroniylar, ziyolilar yigʻildi.

Oʻzbekiston

29.08.2025, 15:12

Keksalarni firibgarlardan himoya qilish zarur

Firibgarlikning eng keng tarqalgan usullaridan biri bank xodimi nomidan qoʻngʻiroq qilishdir.

Oʻzbekiston

29.08.2025, 14:36

Osiyo Taraqqiyot banki Oʻzbekistondagi yoʻl qurilishi uchun 233 mln dollar kredit ajratdi

Loyiha doirasida A-380 yoʻlining qariyb 87 km yangilanadi, jumladan Toʻrtkoʻl — Ellikqalʼa — Beruniy yangi aylanma yoʻli quriladi. 

Iqtisodiyot

29.08.2025, 13:31

Endi oʻzbekistonliklar Iordaniyaga vaziasi borishi mumkin

Endi oʻzbekistonliklar Iordaniyaga vaziasiz borishi mumkin

Oʻzbekiston fuqarolari 25 sentabrdan boshlab Iordaniyaga vizasiz borishlari mumkin. Bu haqda Tashqi ishlar vazirligi matbuot kotibi Ahror Burxonov "Spot.uz"ga maʼlum qilgan.

Siyosat

29.08.2025, 13:25

Toshkent va Qashqadaryo viloyatlarida narkotik moddalar savdosiga chek qoʻyildi

Oʻtkazilgan tezkor tadbirda internet tarmogʻi orqali sintetik narkotiklar savdosi bilan shugʻullanuvchi jinoiy guruhning faol aʼzosi qoʻlga olindi.

Oʻzbekiston

29.08.2025, 12:25

Oʻz bolalarini ayovsiz kaltaklagan otaga jinoyat ishi ochildi

Oʻz bolalarini ayovsiz kaltaklagan otaga jinoyat ishi ochildi

Ijtimoiy tarmoqlarda tarqalgan Jizzax viloyati oʻz ota voyaga yetmagan farzandlarini shafqatsiz kaltaklagan aks etgan video yozuv tarqaldi. Bolalar Ombudsmani 1983 yilda tugʻilgan otaga jinoyat ishi qoʻzgʻatilganini maʼlum qildi.

Oʻzbekiston

29.08.2025, 11:20