«Demokrat.uz» rahbari va blogerga sud hukmi öqildi

Jinoyat işlari böyiça Mirobod tuman sudida «Demokrat.uz» internet naşri rahbari Fazliddinxon Mehmonov hamda bloger Aziz Ğoipnazarovga oid jinoyat işini körib çiqiş yakunlandi.

11 noyabr kuni e’lon qilingan hukmga köra, 1998 yilda tuğilgan, muqaddam sudlangan F.M. Jinoyat kodeksining 165-moddasi (tovlamaçilik), 168-moddasi (firibgarlik) va 248-moddasi (öqotar qurol, öq-dorilar va boşqa xavfli vositalarning qonunga xilof muomalasi) böyiça aybli deb topildi.

Unga 10 yil 3 oy muddatga ozodlikdan mahrum qiliş jazosi tayinlandi.

1991 yilda tuğilgan, muqaddam sudlangan Aziz Ğoipnazarov esa Jinoyat kodeksining 165-moddasida nazarda tutilgan tovlamaçilik jinoyatini sodir etganlikda aybli deb topilib, 10 yil 1 oy muddatga ozodlikdan mahrum qilindi.

Har ikki mahkum jazoni umumiy tartibli koloniyalarda ötaydi. Şuningdek, Fazliddinxon Mehmonovdan jabrlanuvçilarga yetkazilgan moddiy zararni undiriş belgilandi.

Eslatib ötamiz, joriy yilning 12 fevral kuni e’lon qilingan rasmiy xabarda mazkur şaxslarga nisbatan tovlamaçilik yuzasidan jinoyat işi qözğatilgani ma’lum qilingan edi.

Tergov ma’lumotlariga köra, ular Sergeli tumanidagi avtosalonlardan birining faoliyatini obrösizlantiruvçi videomaterial tayyorlab, internetga joylaştirgan.

Şundan söng uşbu videoni ijtimoiy tarmoqlardan öçiriş hamda tadbirkorni obrösizlantiruvçi boşqa videolavhani e’lon qilmaslik evaziga jabrlanuvçidan 50 ming AQŞ dollari talab qilgan.