Farg‘onada samolyot g‘ildiragi chiqib ketgani sababli aeroport yopildi

Ma’lumotlarga ko‘ra, samolyot uchish-qo‘nish yo‘lagida qo‘nganidan so‘ng uning asosiy chap shossedagi g‘ildiragi qotib qolgan va chiqib ketgan. 

Shu jarayonda havo kemasining komandiri uchoqning chap tomonga og‘ayotganini sezib, burilishni to‘xtatgan hamda texnik xodimlarni chaqirgan. 

Samolyotni tekshirish davomida g‘ildirakni ushlab turuvchi bir nechta boltlarning yo‘qligi aniqlangan. Yo‘lovchilar to‘g‘ridan-to‘g‘ri shosseda tushirilib, bagajlari bilan birga terminalga olib ketilgan. 

Hozirda Farg‘ona aeroportida yagona uchish-qo‘nish yo‘lagi borligi sababli aeroport vaqtincha yopilgan. 

S7 matbuot xizmatiga ko‘ra, Novosibirskdan O‘zbekistonga qaytadigan reysni amalga oshirish uchun zaxira samolyoti yuborilgan.