Yil boshidan buyon samolyotlarda 5 ta oʻlim holati qayd etilgan

Oʻlimlar haqida maʼlumot:

– 2024 yilda 14 ta oʻlim holati qayd etilgan, ulardan 11 tasi samolyot bortida, 3 tasi Toshkent xalqaro aeroportining uchib kelish zalida sodir boʻlgan.

– 2025 yilning hozirgi kuniga qadar qayd etilgan 5 ta oʻlim holatining barchasi manzilga yetib borgunga qadar samolyot bortida roʻy bergan.

Parvozga qoʻyilmagan yoʻlovchilar:

– 2024 yilda Oʻzbekiston aeroportlarida 46 nafar yoʻlovchi sogʻligʻi sababli parvozga qoʻyilmagan.

– Joriy yilning olti oyida esa 61 yoʻlovchiga parvoz qilishga ruxsat berilmagan.

Parvozga xavf tugʻdiradigan holatlar:

– Fuqaroda oʻtkir yoki surunkali kasalliklar mavjud boʻlsa, parvozlar salomatlik uchun potensial xavf tugʻdirishi mumkin.

– Bosimning oʻzgarishi, harakatning cheklangani va boshqa parvoz xususiyatlari yoʻlovchi holatini ogʻirlashtirishi mumkin. Shu sababli baʼzi tibbiy koʻrsatmalar bilan parvoz xavfli boʻlishi va ayrim hollarda yoʻlovchi reysdan olinishi mumkin.