Йил бошидан буён самолётларда 5 та ўлим ҳолати қайд этилган

Ўлимлар ҳақида маълумот:

– 2024 йилда 14 та ўлим ҳолати қайд этилган, улардан 11 таси самолёт бортида, 3 таси Тошкент халқаро аэропортининг учиб келиш залида содир бўлган.

– 2025 йилнинг ҳозирги кунига қадар қайд этилган 5 та ўлим ҳолатининг барчаси манзилга етиб боргунга қадар самолёт бортида рўй берган.

Парвозга қўйилмаган йўловчилар:

– 2024 йилда Ўзбекистон аэропортларида 46 нафар йўловчи соғлиғи сабабли парвозга қўйилмаган.

– Жорий йилнинг олти ойида эса 61 йўловчига парвоз қилишга рухсат берилмаган.

Парвозга хавф туғдирадиган ҳолатлар:

– Фуқарода ўткир ёки сурункали касалликлар мавжуд бўлса, парвозлар саломатлик учун потенциал хавф туғдириши мумкин.

– Босимнинг ўзгариши, ҳаракатнинг чеклангани ва бошқа парвоз хусусиятлари йўловчи ҳолатини оғирлаштириши мумкин. Шу сабабли баъзи тиббий кўрсатмалар билан парвоз хавфли бўлиши ва айрим ҳолларда йўловчи рейсдан олиниши мумкин.