Афсуски, Олимпиадани мағлубият билан бошладик

Кеча ПАРИЖ 2024 Олимпиадасининг футболл ўйинлари старт олди. Тарихда илк бор Олимпиада йўлланмасини қўлга киритган футболчиларимиз Парижга, осиёнинг иккинчи рақамли жамоаси сифатида етиб келди.

Спорт

25.07.2024, 12:10

Lotinchada

Улашиш:

"C" гуруҳидан ўрин олган Ўзбекистон Олимпиа терма жамоамиз ўзининг илк ўйинини кучли рақиб, Токио олимпиадаси кумуш медали соҳиби Испанияга қарши ўтказди. Ўйиндан олдинги матбуот анжуманида икки жамоа мураббийлари ҳам рақибга ҳурмат сақлаган ҳолда, бугунги ўйинда ҳечкимга осон бўлмаслигини айтиб майдонга фақат ғалаба учун тушишини таъкидлади. Ҳамютларимиз ўйинни фаол бошлашига қарамай ўз дарвозасидан биринчи тўп олиб чиқди. Аммо биринчи таймга қўшиб берилган дақиқаларда рақиб дарвозаси томон белгиланган пеналтидан жамоамиз етакчиси Элдор Шомуродов ҳисобни тенглаштирди. Жамоалар таймни 1:1 ҳисобида якунлади. Иккинчи таймни устунлик билан бошлаган испанлар ўйиннинг 62-дақиқасида ҳисобда олдинга чиқиб олди. Гол ўтказиб юборган футболчиларимиз устунликни қўлга олиб, рақиб дарвозаси томон бир неча бор хавфли вазиятлар уюштирди. Аммо барибир ўйин сўнгида жисмоний тайёргарлик ўз сўзини айтди ва якунда Испанияга 2:1 ҳисобида мағлуб бўлдик. Умид қиламизки йигитлар гуруҳдаги қолган икки ўйинда ғалаба қозониб, кейинги босқич йўлланмасини қўлга киритади.

Маълумот учун, Ўзбекистон Олимпиа терма жамоаси ўрин олган "C" гуруҳида Испаниядан ташқари Миср ва Конго Демократик Республикаси футболчилари ҳам жойлашган. Олимпиа терма жамоамизнинг кейинги ўйини 27-июл куни Миср олимпиачиларига қарши бўлиб ўтади.

Спорт

25.07.2024, 12:10

Улашиш:

#футбол #олимпиа #париж

мавзуга оид янгиликлар