Бўстонлиқда 6 ёшли болани машина уриб кетди

Унга кўра, ушбу ЙТҲ жорий йилнинг 27 июль куни тахминан соат 13:10 ларда  Бўстонлиқ тумани ҳудудидан ўтган 4Р10 — Чорбоғ сув омбори ҳалқа йўлида содир бўлган.

"Унда 1999 йилда туғилган Янгийўл туманида истиқомат қилувчи ҳайдовчи З.М. "Damas" машинасини бошқариб кетаётган пайтида йўлнинг чап томонидан ўнг томонига югуриб ўтаётган вояга етмаган болани уриб юборган", 

дейилади хабарда. 

Бола Тошкент вилоятининг Чиноз туманида 2018 йилда туғилган. У автоҳалокат оқибатида турли хил тан жароҳатлари олиб туман марказий шифохонасига ётқизилган. Ҳозирда ҳолат юзасидан Бўстонлиқ тумани Ички ишлар бошқармаси томонидан суриштирув ишлари олиб борилмоқда. 

Эслатиб ўтамиз,  аввалроқ Самарқанд вилоятида юз берган ЙТҲ оқибатида 3 киши вафот этиб, яна уч киши эса жароҳатланганди.