Ўзбекистон ва Япония "яшил" иқтисодиёт ва технологиялар соҳасида ҳамкорликни кенгайтиради

Япон компаниялари онлайн бизнес мулоқот давомида Ўзбекистонда “яшил” технологиялар ва инновацион стартапларга инвестиция киритишдан манфаатдор эканини билдирдилар.

Ўзбекистон

16.09.2025, 17:44

Lotinchada

Улашиш:

Ўзбекистон Вазирлар Маҳкамаси ҳузуридаги Бизнес ва тадбиркорлик олий мактаби ҳамда Япониянинг МДҲ мамлакатлари ва Россия билан савдони ривожлантириш уюшмаси ҳамкорлигида "яшил" иқтисодиётни ривожлантириш бўйича онлайн бизнес мулоқот ўтказилди.

Тадбирда Япониянинг Sojitz Corporation, Toyota Tsusho Corporation, Mitsubishi Corporation, Nippon Steel Engineering, Fuji Electric, Mizuho Bank каби 50 дан ортиқ йирик компания вакиллари иштирок этди.

Учрашувда икки мамлакат ўртасида атроф-муҳитни муҳофаза қилиш, карбон чиқиндиларини камайтириш, қайта тикланадиган энергия, чиқиндиларни қайта ишлаш ва замонавий шаҳар муҳитини барпо этиш каби йўналишларда қўшма лойиҳаларни амалга ошириш масалалари муҳокама қилинди.

Япон компаниялари Ўзбекистонда “яшил” технологиялар ва инновацион стартапларга инвестиция киритишдан манфаатдор эканини билдирдилар. Ўз навбатида, Тошкент кимё-технология институти ва Тошкент давлат техника университети ёш олимлари саноат эҳтиёжлари учун электротехника маҳсулотларини қайта ишлаш асосида кумуш нанозаррачалар олиш бўйича стартап лойиҳалари ва инновацион ишланмаларини ҳамда пластик чиқиндиларни қайта ишлаш асосида йўл қопламаларини олиш бўйича инновацион ишланмаларини тақдим этдилар.

Томонлар яқин келажакда қўшма ташаббусларни амалга ошириш ва Япония бизнесининг “яшил” лойиҳаларга кириб келишини янада қўллаб-қувватлашга келишиб олдилар.

Ўзбекистон

16.09.2025, 17:44

Улашиш:

#Япония #яшил иқтисод

мавзуга оид янгиликлар