Сунъий интеллектдан қўрқишимиз керакми?

Унинг фикрича, технология шиддат билан ривожланаётган ҳозирги босқичда уни қатъий назорат остига олиш заруриятга айланган.

Алтманнинг таъкидлашича, жамиятнинг оммавий дезинформация, киберҳужумлар ва автоном тизимлар устидан назоратни йўқотиш каби хавфлардан ташвишланиши мутлақо табиий. У шу билан бирга супер сунъий интеллектни яратиш ва ривожлантириш жараёни халқаро кузатув ҳамда қатъий ҳуқуқий тартибга солишни талаб этишини қайд этди. Бунда у мисол сифатида ядро энергетикаси устидан ўрнатилган халқаро назорат тизимини келтирди — худди шундай модел сунъий интеллект учун ҳам қўлланилиши мумкинлигини таъкидлади.

Шу билан бирга, OpenAI раҳбари технологиянинг салбий томонларигина эмас, балки улкан салоҳиятга эга эканини ҳам унутмаслик кераклигини айтди. Унинг сўзларига кўра, тўғри ёндашув қўлланилган тақдирда сунъий интеллект оғир касалликларни даволашдан тортиб, глобал иқлим ўзгаришига қарши курашгача бўлган жараёнларда инсониятнинг энг яқин ёрдамчисига айланиши мумкин.

Алтманнинг бундай чиқишлари янгилик эмас — у аввалроқ ҳам халқаро миқёсда СИ хавфсизлиги бўйича махсус назорат органи ташкил этиш ғоясини бир неча бор илгари сурган ва буни Халқаро Атом Энергияси Агентлиги (МАГАТЭ) тажрибасига қиёслаган эди.