I ярим йилликда 39 млрд сўм ижтимоий кешбэк қайтарилди

Ижтимоий кешбэк олиш учун “Ижтимоий ҳимоя ягона реэстри”га киритилган жисмоний шахслар чакана савдо объектларидан айрим товарларни сотиб олганда харид суммасидан 1% миқдордаги кешбэк ўрнига, 12% ҚҚС суммасини қайтариб олишлари мумкин. 

I ярим йилликда ижтимоий ҳимояга муҳтож оилаларга 39 млрд сўмдан ортиқ ҚҚС кешбэк сифатида қайтарилди.

ҚҚС қайтариладиган маҳсулотлар рўйхати:

1. Қўй гўшти;

2. Парранда гўшти;

3. Мол гўшти;

4. Тухум;

5. Ўсимлик ёғи;

6. Ун;

7. Шакар;

8. Дори воситалари;

9. Тиббий хизматлар.

ҚҚС суммасини қайтариш учун "Ижтимоий ҳимоя ягона реестри"га киритилган истеъмолчи Солиқ иловасини юклаб олиб, Face ID ёрдамида рўйхатдан ўтади ва иловада харид чекининг QR-кодини сканерлаши керак. 

ҚҚС суммасини чек рўйхатдан ўтказилган ойдан кейин ойнинг 25 санасидан сўнг Солиқ мобил иловаси орқали қайтариб олиш мумкин.