I yarim yillikda 39 mlrd soʻm ijtimoiy keshbek qaytarildi

Ijtimoiy keshbek olish uchun “Ijtimoiy himoya yagona reestri”ga kiritilgan jismoniy shaxslar chakana savdo obʼektlaridan ayrim tovarlarni sotib olganda xarid summasidan 1% miqdordagi keshbek oʻrniga, 12% QQS summasini qaytarib olishlari mumkin. 

I yarim yillikda ijtimoiy himoyaga muhtoj oilalarga 39 mlrd soʻmdan ortiq QQS keshbek sifatida qaytarildi.

QQS qaytariladigan mahsulotlar roʻyxati:

1. Qoʻy goʻshti;

2. Parranda goʻshti;

3. Mol goʻshti;

4. Tuxum;

5. Oʻsimlik yogʻi;

6. Un;

7. Shakar;

8. Dori vositalari;

9. Tibbiy xizmatlar.

QQS summasini qaytarish uchun "Ijtimoiy himoya yagona reyestri"ga kiritilgan isteʼmolchi Soliq ilovasini yuklab olib, Face ID yordamida roʻyxatdan oʻtadi va ilovada xarid chekining QR-kodini skanerlashi kerak. 

QQS summasini chek roʻyxatdan oʻtkazilgan oydan keyin oyning 25 sanasidan soʻng Soliq mobil ilovasi orqali qaytarib olish mumkin.