Энди банк картаси ва телефон рақами бир эгага тегишли бўлиши шарт

Ўзбекистонда банк хизматларидан фойдаланишда янги талаб жорий этилмоқда. 

Янги тартибга мувофиқ, агар телефон рақами ва ЖШШИР ўртасида мослик аниқланмаса:

• мобил банк иловаларида рўйхатдан ўтиш мумкин бўлмайди;
• банк картасини телефон рақамига бириктиришга рухсат берилмайди;
• фойдаланувчига бу ҳақда СМС орқали хабар юборилади.

Шунингдек, фуқаролар энди ўз номидаги пластик картани бошқа шахс номига расмийлаштирилган телефон рақамига улай олмайди. Акс ҳолатда ҳам карта ва рақамни боғлаш имкони бўлмайди.

Қисқача айтганда, банк картаси ва телефон рақами бир шахс номида бўлиши шарт — улар ЖШШИР орқали ўзаро мос келиши керак.

Бу чора молиявий хавфсизликни кучайтириш ва фирибгарлик ҳолатларининг олдини олиш мақсадида жорий этилмоқда.