Мўғулистондан Ўзбекистонга қўй олиб келиниши бошланди

Навоий халқаро аэропортига Мўғулистондан “жонли” юк билан биринчи парвоз амалга оширилди — Ўзбекистонга минг бош “Баяд” зотли қўйлар келтирилди. 

Бу Ўзбекистон ва Мўғулистон ўртасида чорвачилик соҳасида давлат раҳбарлари даражасида эришилган икки томонлама келишув доирасидаги биринчи партиядир.

Парвоз Қирғизистоннинг “КАП КГ” ихтисослаштирилган юк авиакомпанияси томонидан амалга оширилди. Етказиб берилган юкнинг умумий оғирлиги 37 тоннани ташкил этди.

Режага кўра, октябрь ойи охиригача 60 та парвоз амалга оширилиб, 50 минг бош майда қорамол етказиб берилади. Йил охиригача умумий кўрсаткични 100 минг бошга етказиш учун ноябрь ва декабрь ойларида ҳам худди шундай ҳажмдаги юк ташиш режалаштирилган.

Етказиб бериш шартномаси шу йилнинг июн ойида Ўзбекистон президенти Шавкат Мирзиёев ва Мўғулистон президенти Ухнаагиин Хурельсухнинг учрашуви давомида имзоланган эди. Узоқ муддатли истиқболда 2029 йилга бориб Ўзбекистонда ушбу зотга мансуб қўй ва эчкилар сонини 1 миллион бошга етказиш режалаштирилган.

Қайтиш доирасида Ўзбекистон мева-сабзавотларини Мўғулистонга 123 та ҳаво юк парвозларида етказиш режалаштирилган. Барча парвозлар Навоий халқаро аэропорти орқали амалга оширилади.