Ўзбекистон ойлик иш ҳақи бўйича дунёда 117-ўринни эгаллади

Тадқиқотда ходимлар қўлига солиқлар ушлаб қолингандан кейин тегадиган ўртача ойлик даромад ҳисобга олинган. Унга кўра, Ўзбекистонда ўртача соф ойлик иш ҳақи 458 долларни ташкил этган.

Рейтингда биринчи ўринни Швейцария эгаллади. Бу мамлакатда ўртача соф ойлик иш ҳақи 8 218 долларга тенг. Кейинги ўринларда Люксембург (6 740 доллар) ва АҚШ (6 562 доллар) жойлашган.

Мустақил Давлатлар Ҳамдўстлиги мамлакатлари ичида энг юқори кўрсаткич Россия ҳиссасига тўғри келди. У ерда ўртача соф ойлик иш ҳақи 2 266 долларни ташкил этиб, мамлакат жаҳон рейтингида 32-ўринни эгаллаган.

Қўшни давлатларда эса кўрсаткичлар қуйидагича:

• Қозоғистон — 780 доллар
• Ўзбекистон — 458 доллар
• Қирғизистон — 335 доллар
• Тожикистон — 276 доллар

Тадқиқот муаллифларига кўра, мазкур рейтинг Марказий Осиё давлатларида амалга оширилаётган иқтисодий ислоҳотлар ва аҳоли даромадларидаги ўзгаришларни акс эттиради.

Эслатиб ўтамиз, аввалроқ Ўзбекистон KidsRights Index 2026 халқаро рейтингида 194 давлат орасида 96-ўринни эгаллагани маълум қилинган эди.