updated: 22.03.2026, 18:34

АҚШ Ғазони эгаллайди — Трамп

Кеча, 4 февраль куни АҚШ Президенти Дональд Трамп Оқ уйда Исроил Бош вазири Беньямин Нетаньяху билан бўлган учрашувида Америка Ғазо секторидаги аҳолини бошқа ерга кўчиришини, одамлардан бўшаган ҳудудни эгаллаб, секторнинг иқтисодий ҳолатини яхшилашини маълум қилди. Бу ҳақда "Associated Press"га таянган ҳолда "Deutsche Welle" нашри хабар берди.

Жаҳон

05.02.2025, 12:57

Lotinchada

Улашиш:

AQSh Gʻazoni egallaydi — Tramp

Трампнинг сўзларига кўра, АҚШ Ғазо сектори устидан назорат қилиб, у ерда портламай қолган бомба ва бошқа қуроллардан демонтаж қилади.

"Агар керак бўлса, биз унинг устидан назорат қиламиз, уни ривожлантирамиз, минглаб иш ўринларини яратамиз. Бу бутун Яқин Шарқ фахрланадиган нарса бўлади. У ер Яқин Шарқ "riviera"сининг уйи бўлади. Мен буни кўп ойлар давомида жуда диққат билан ўрганиб чиқдим", дея айтган Трамп.

Исроил Бош вазири Нетаньяху эса бу сўзларни ижобий қабул қилган. Унинг сўзларига кўра, Трамп "қутидан ташқарида, янги ғоялар билан ўйлайди" ва доим "анъанавий фикрлашни бузишга тайёрлигини намойиш этади".

Трампнинг бу таклифи аллақачон АҚШ сиёсатчиларининг танқидига сабаб бўлди. Демократ сенатор Крис Мёрфи Президент Трамп "ақлдан озганини" айтиб чиқди.

"У бутунлай ақлдан озган. АҚШнинг Ғазога бостириб кириши минглаб америкалик аскарларнинг ўлимига ва ўнлаб йиллар давомида Яқин Шарқдаги урушга олиб келади. Бу ҳазилга ўхшайди", деб ёзган парламент аъзоси Х'даги ўзининг саҳифасида.

Трамп тарафдори — Жанубий Каролина штатидан республикачи сенатор Линдси Грэм ҳам бу янгиликка шубҳа билан қарамоқда.

"Келинг, араб дўстларимиз бу ҳақда нима дейишларини кўриб чиқайлик. Ўйлайманки, жанубий каролиналикларнинг аксарияти америкаликларни Ғазони қўлга олиш учун юборишдан хурсанд эмас. Менимча, бу муаммоли бўлиши мумкин", дея фикр билдирган у.

Жаҳон

05.02.2025, 12:57

Улашиш:

#Ғазо #АҚШ #Трамп

мавзуга оид янгиликлар