Эрон Исроил қонунига жавобан кескин огоҳлантириш берди

Баёнотда айтилишича, бундай ҳолатда Эрон, шунингдек Ливан ва Ироқ ҳудудларида ушлаб турилган исроиллик ва америкалик маҳбусларга нисбатан ҳам шундай чора қўлланилиши эҳтимоли бор.

Эслатиб ўтамиз, Исроил парламенти — Кнессет фаластинлик маҳбусларни “террорчи” сифатида қатл этишга рухсат берувчи қонун лойиҳасини қабул қилган эди.

Исроилнинг жамоат хавфсизлиги вазири Итэмар Бен-Гвир ушбу қарорни очиқчасига қўллаб-қувватлаган ва бу ҳақдаги видеолар ижтимоий тармоқларда тарқалган. Маълум қилинишича, жазони осиб ўлдириш орқали ижро этиш режалаштирилган.

Маълумотларга кўра, ҳозирда Исроил қамоқхоналарида 9 300 нафардан зиёд фаластинлик сақланмоқда. Улар орасида 350 нафар бола ва 66 нафар аёл ҳам бор.

Шунингдек, 2000–2023 йиллар давомида Исроил томонидан 13 мингга яқин фаластинлик болалар қамоққа олингани қайд этилган. Халқаро ташкилотлар уларга нисбатан қийноқлар қўлланилаётгани юзасидан хавотир билдириб келмоқда.