Эрон ракета ва дронлари Қувайтга ҳужум қилди

Форс кўрфазида минтақавий тўқнашувлар кучайиб бораётган бир пайтда Қувайт ҳаво мудофааси кучлари Эрондан учирилган душман ракета ва дрон ҳужумларини қайтарди, дея хабар берди ҳарбийлар.

«Қувайт ҳаво мудофааси айни дамда Эроннинг жирканч тажовузига жавобан душманона ракета ва дрон ҳужумларига қарши курашмоқда», — дейилади Қувайт Қуролли кучлари Бош штабининг X ижтимоий тармоғидаги хабарида.

Ҳарбий раҳбарият душман нишонларини фаол равишда тутиб қолиши натижасида мамлакатнинг айрим ҳудудларида кучли портлашлар эшитилганини тасдиқлади ҳамда фуқаролар ва аҳолини ваколатли идоралар томонидан эълон қилинган хавфсизлик қоидаларига қатъий риоя қилишга чақирди.

Tasnim ахборот агентлигининг хабарига кўра, ҳаво ҳужумлари хавфи туфайли Қувайт аэропортидаги парвозлар тўхтатилган ва ҳудудга қўнишни режалаштирган иккита самолёт йўналишини ўзгартирган.

Бу воқеалар АҚШнинг Эронга қарши охирги тажовузкор ҳаракатларидан сўнг Теҳроннинг жавоб ҳужумлари фонида юз бермоқда.

Эрон соғлиқни сақлаш вазири Муҳаммад Ризо Зафарқандийга кўра, 1 сентябрь куни мамлакатнинг бир неча вилоятига берилган АҚШ зарбалари оқибатида 18 киши ҳалок бўлган.