АҚШ минтақа ресурсларини талон-торож қилишни кўзлаган — Эрон спикери

«АҚШ Форс кўрфази ва минтақа мамлакатларига фақат уларнинг ресурсларини талон-торож қилиш учун яқинлашди», - деди Қолибоф 10 август куни Ироқ президенти Назар ал-Амидий билан учрашувда. Бу ҳақда Эроннинг Fars агентлиги ёзди.

Эронга қарши сўнгги 40 кунлик уруш хорижий ҳарбийлар мавжудлиги хавфсизлик эмас, балки беқарорлик манбайи эканлигини исботлади, дея қўшимча қилди у.

«Тажриба ва сўнгги можаро минтақа мамлакатларига америкаликлар нафақат хавфсизликни кафолатлай олмаслигини, балки минтақавий тинчликни издан чиқаришини исботлади», - дея таъкидлади расмий.

АҚШ ва Исроил 28 февраль куни Эронга қарши уруш очиб, Ислом инқилоби олий раҳбари Оятуллоҳ Сайид Али Хоманаий ҳамда бир қанча юқори мартабали расмийлар ва ҳарбий қўмондонларни ўлдирди.

Ал-Амидий ҳам АҚШ ва Исроилнинг халқаро ҳуқуқни бузган, Ироқ ҳамда кенгроқ минтақа учун оғир оқибатларга сабаб бўлган ҳужумини ғайриинсоний, дея қоралади.

У Эрон ва Қўшма Штатлар ўртасидаги ҳозирги «на уруш, на тинчлик» ҳолатига чек қўйиш кераклигини айтди.

«Умумий минтақавий хавфсизликка фақат минтақа мамлакатларининг жамоавий хавфсизлиги орқалигина эришиш мумкин», — дея қўшимча қилди президент.