Эронга қилинган ҳаракатдан норози бўлган мулозим ишдан бўшади

Таҳлилчилар бу ҳолатни Трампнинг юзига туширилган “маънавий тарсаки” сифатида баҳоламоқда.

Жо Кент истеъфо мактубида: “Виждоним Эронда давом этаётган урушни қўллаб-қувватлашга изн бермаяпти. Эрон бизнинг мамлакатга бевосита таҳдид қилмаган ва биз бу урушни Исроил босими ва Америкадаги кучли лоббиси таъсирида бошладик”, – деган.

Маълум қилинишича, Жо Кент Трампнинг биринчи президентлик давридаги ташқи сиёсатини дастаклаган, аммо 2025 йил июнь ойида Яқин Шарқдаги уруш АҚШнинг фаровонлигига таҳдид эканини тушуниб етган. У ўз баёнотида АҚШ ва Исроилнинг дезинформация кампанияси натижасида Эронга қарши уруш оловини ёқиш хатолиги содир бўлганини ҳам таъкидлаган.

45 ёшли Жо Кент жосуслик хизмати ветерани бўлиб, 11 марта жанговар ҳаракатларда иштирок этган. Унинг рафиқаси – АҚШ ҳарбий-денгиз кучлари криптологи Шеннон Кент, 2019 йилда Исроил провокацияси билан бошланган урушда ҳалок бўлган.

Трампнинг ўз баёнотида Кентни “яхши йигит” деб таърифлаган, аммо “хавфсизлик бобида кучсиз”лигини қайд этган. Таҳлилчилар фикрича, Кентнинг очиқ танқиддан кейин истеъфоси Оқ уйдаги чуқур бўлинишни кўрсатади.

Бундан аввал ҳам АҚШда ҳарбий-сиёсий қарорларга норозилик ифодаси сифатида юқори мартабали мулозимлар истеъфога чиққан эди.