updated: 22.03.2026, 16:21

Покистон ва Афғонистон сулҳни давом эттиришга келишиб олди

Туркия Ташқи ишлар вазирлиги Покистон ва Афғонистон ўртасидаги музокаралар натижалари бўйича расмий баёнот эълон қилди. Туркия ва Қатар воситачилигида ўтган учрашувда томонлар тинчликни таъминлаш ҳамда келишувни амалга ошириш бўйича янги механизмлар ишлаб чиқилди.

Жаҳон

31.10.2025, 09:17

Lotinchada

Улашиш:

Покистон ва Афғонистон сулҳни давом эттиришга келишиб олди

Баёнотда қайд этилишича, 2025 йил 25–30 октябр кунлари Истанбул шаҳрида Афғонистон, Покистон, Туркия ва Қатарнинг иштирокида учрашувлар бўлиб ўтди. Мазкур музокаралар 2025 йил 18–19 октябр кунлари Дохада Туркия ва Қатар воситачилигида эришилган ўт очишни тўхтатиш келишувини мустаҳкамлашга қаратилган.

Томонлар сулҳ режимидаги келишувни давом эттиришга келишиб олган. Шунингдек, келишувни амалга ошириш бўйича қўшимча механизмлар 2025 йил 6 ноябр куни Истанбулда ўтказиладиган юқори даражадаги йиғилишда муҳокама қилиниб, тасдиқланиши режалаштирилган.

Бундан ташқари, томонлар тинчликни сақлаш ҳамда келишувни бузган томонларга нисбатан чоралар кўриш имконини берадиган мониторинг ва назорат механизмини яратишга келишган.

Воситачи давлатлар сифатида Туркия ва Қатар ҳар икки томоннинг фаол иштирокига юқори баҳо бериб, барқарор тинчлик ва минтақавий барқарорлик йўлида ҳамкорликни давом эттиришга тайёр эканликларини билдирган.

Эслатиб ўтамиз, йил бошидан бери Покистон ва Афғонистон чегара ҳудудларида бир неча марта қуролли тўқнашувлар содир бўлган эди. Бу тўқнашувлар асосан «Толибон» ҳаракати ва Покистон хавфсизлик кучлари ўртасидаги кескинлик натижасида юзага келган. Натижада икки давлат муносабатлари совуқлашган ва чегара орқали савдо ҳам чекланган эди.

Жаҳон

31.10.2025, 09:17

Улашиш: