Россия дрони Украинада йўловчи автобусига зарба берди: 5 киши ҳалок бўлди

16-сентябрь куни Украина жануби-шарқида, фронт чизиғига яқин ҳудудда Россия дронининг йўловчи автобусига қилган ҳужуми оқибатида 5 киши ҳалок бўлди ва камида етти киши яраланди. Бу ҳақда Reuters нашри хабар берди.

Ҳужум Никопол шаҳри атрофидаги ҳудудга уюштирилди, деди Днепропетровск вилояти губернатори Александр Ханжа Telegram мессенжерида.

Шаҳар Днепр дарёсининг нариги қирғоғида, бир неча километр узоқликдаги Россия томонидан босиб олинган ҳудуд қаршисида жойлашган ва мунтазам равишда Россия ҳужумларининг нишонига айланиб келмоқда.

«Руслар йўловчи автобусига сурбетларча зарба беришди. Улар кундалик ишлари билан кетаётган одамлар бўлган микроавтобусни нишонга олишди», – деди Днепропетровск вилояти кенгаши раҳбари Микола Лукашук.

Ҳужум юзасидан Россия изоҳ бермади.

2022-йилда Москва қўшнисига кенг кўламли уруш бошлаганидан буён Украина ҳам, Россия ҳам тинч аҳоли қасддан нишонга олинаётганини рад этиб келади.