Шимолий Корея Россия-Украина урушидан 14 миллиард доллар даромад қилди

Бу ҳақда Nikkei Жанубий Корея разведка институти маълумотларига таяниб хабар берди.

Даромад мамлакат ЯИМига тенглашди

Жанубий Корея Миллий разведка хизмати қошидаги тадқиқот институти баҳосига кўра, олинган маблағ Шимолий Кореянинг бир йиллик ялпи ички маҳсулоти ҳажмига яқин.

Жанубий Корея Марказий банки маълумотларига кўра, мамлакат иқтисодиёти 2024 йилда 3,7 фоизга ўсган. Бу охирги йиллардаги энг юқори иқтисодий ўсиш суръати сифатида қайд этилмоқда.

Асосий даромад қурол-яроғ савдосидан

Таҳлилларга кўра:

• 7 миллиарддан 13,8 миллиард долларгача маблағ ракета артиллерияси ва тахминан 250 та KN-23 ракеталарини етказиб бериш ҳисобига тушган;
• 600 миллион доллардан ортиқ маблағ эса шимолий кореялик ҳарбийларнинг жангларда иштирок этиши учун тўланган.

Украина фронтида минглаб шимолий кореяликлар бор

Хабарларга кўра, ҳозир Украина фронтида Шимолий Кореянинг тахминан 10 минг нафар ҳарбийси, минглаб муҳандислари ва юзлаб дрон операторлари фаолият юритмоқда.

Шунингдек, Пхеньян яна 30 минг нафар ҳарбийни Россияга юборишни режалаштираётгани ҳақида маълумотлар тарқалган.