Россияда сайловлардан кейин янги сафарбарлик бўлишидан хавотир кучаймоқда

The Economist ёзишича, 18–20 сентябр кунлари Россияда ўтадиган парламент сайловлари ҳақиқий сиёсий рақобатдан тобора узоқлашмоқда. Урушга қарши номзодлар сайловдан четлатилмоқда, айримлари қамоққа олинган. Аҳолининг сайловга қизиқиши паст, норозилик эса ортмоқда. Левада сўровига кўра, россияликларнинг қарийб 70 фоизи мамлакатдаги сиёсий вазиятни кескин ёки инқирозли деб ҳисоблайди. Урушнинг чўзилиши, ёқилғи тақчиллиги ва тинчлик истиқболининг йўқлиги одамларни ташвишга солмоқда.

Мақолада «Единая Россия»нинг сўровлардаги қўллаб-қувватланиши 25 фоиз атрофида экани айтилади. Нашр ҳокимият маъмурий усуллар ёрдамида ўзи истаган сайлов натижасига эришишга уриниши мумкинлигини ёзади.

Кўплаб россияликларни сайлов натижасидан кўра, ундан кейинги воқеалар кўпроқ хавотирга солмоқда. Айрим фуқаролар сайлов тугагач, уруш учун янги, кенгроқ сафарбарлик эълон қилинишидан қўрқмоқда. Мақолада бу тасдиқланган қарор эмас, аҳолининг хавотири сифатида келтирилган.