"У Трампни ҳам сотди, хиёнатчи"– Соловьёв Италия бош вазирини ҳақорат қилди

Маълум қилинишича, у рус ва итальян тилларида Мелонига нисбатан таҳқирловчи сўзлар ишлатиб, уни «сайловчиларга хиёнат қилган фашист» деб атаган.

«Хиёнат – унга хос иллат. У ҳатто ўзи садоқат изҳор қилган Доналд Трампни ҳам сотди», деган Соловьёв

Италия расмийларининг жавоби

Ушбу ҳолат Италия жамоатчилиги ва оммавий ахборот воситаларида кескин эътирозларга сабаб бўлди.

Шундан сўнг Россиянинг Римдаги элчиси Алексей Парамонов тушунтириш учун Италия ташқи ишлар вазирлигига чақиртирилди. Италия ташқи ишлар вазири Антонио Тажани рус дипломатига расмий норозилик билдирди.

Шунингдек, мамлакат президенти Серхио Матарелла бошчилигидаги сиёсатчилар ҳам мазкур баёнотни кескин қоралади.

Мелони вазиятга муносабат билдириб: 

«Режим пропагандачисига айланган шахс бизга на садоқат, на эркинлик ҳақида дарс ўта олмайди. Бу каби ҳолатлар бизни сиёсий йўлимиздан қайтармайди. Биз фақат Италия манфаатларини ҳимоя қиламиз», деди.

Маълумот учун, Соловьёв январ ойида Россияни Марказий Осиё ва Арманистонда “махсус ҳарбий амалиёт” ўтказишга чақирган эди.