ЖЧ-2026: Осиё қитъаси саралашининг гуруҳ ўйинлари бошланмоқда

Жаҳон чемпионати саралашида Осиё минтақасининг гуруҳ баҳсларидаги ўйинлари қачон ўтказилиши эълон қилинди. "А" гуруҳидан жой олган Ўзбекистон терма жамоасига Эрон, Қатар, БАА, Қирғизистон va Шимолий Корея терма жамоалари рақиб бўлади.

Спорт

14.08.2024, 14:37

Lotinchada

Улашиш:

JCh-2026: Osiyo qitʼasi saralashining guruh oʻyinlari boshlanmoqda

Терма жамоанинг биринчи ўйини 5 сентябрь куни "Бунёдкор" стадионида КХДРга қарши бўлиб ўтади. Ўйин Тошкент вақти билан соат 19:00 да бошланади.

Иккинчи ўйин эса 10 сентябрь куни Қирғизистон терма жамоаси билан Бишкекдаги "Долен Умрзақов" стадионида бўлиб ўтади. Мазкур ўйин Тошкент вақти билан соат 20:00 да бошланади. Учинчи турда азалий рақиб ҳисобланган Эрон терма жамоаси яна Тошкентда меҳмон бўлади. Ўйин 10 октябрь куни соат 19:00 да "Бунёдкор" стадионида бўлиб ўтади.

Тўртинчи турда Бирлашган Араб Амирликлари синовдан ўтказилади. Бу ўйин ҳам "Бунёдкор" стадионида ўтиши режалаштирилган. Учрашув 15 октябрь куни соат 19:00 да бошланади. Охирги бешинчи турда Ўзбекистон терма жамоаси Қатарга қарши майдонга тушади. Бу баҳс 14 ноябрда бўлиб ўтади.

Ортда қолган 5 та турдан сўнг терма жамоалар бироз муддат дам олади va март ойидан бошлаб жавоб учрашувлари ташкил этилади. АҚШ, Канада va Мексика мезбонлигида ўтадиган 2026 йилги Жаҳон чемпионатига Осиё қитъаси учун 6 та лицензия берилган бўлиб, сўнгги босқичнинг гуруҳ ўйинларида ўз гуруҳида биринчи va иккинчи ўринни эгаллаган терма жамоалар тўғридан-тўғри йўлланмани қўлга киритади. Энг яхши учинчи ўринни қўлга киритган икки терма жамоа саралаш баҳсларида иштирок этади.

Эслатиб ўтамиз, "А" гуруҳидан ташқари қолган "B" va "C" гуруҳларида ҳам ўйинлар ўтказилади. Саралаш баҳсларининг "B" гуруҳидан Корея, Ироқ, Иордания, Уммон, Фаластин va Қувайт терма жамоалари ўрин олган бўлса, "C" гуруҳида Япония, Австралия, Баҳрайн, Хитой, Индонезия va Саудия Арабистони терма жамоалари баҳслашади.

Спорт

14.08.2024, 14:37

Улашиш:

#Осиё

мавзуга оид янгиликлар