Колумбияда президентликка номзод сайловолди ташвиқотида отиб кетилди

Колумбия бош прокуратураси маълумотига кўра, ҳодиса жойида 15 ёшли гумонланувчи қўлга олинган.

Урибе  дарҳол "Santa Fe Foundation" касалхонасига вертолётда етказилган. Унинг тарафдорлари шифохона атрофида тун бўйи ҳушёрликда ибодатда бўлишди.

Урибениннг рафиқаси, Мария Клаудия Таразона, унинг омон қолиши учун халқни ибодат қилишга чақирди:

Урибе  аъзо бўлган консерватив "Демократик марказ" партияси бу ҳужумни кескин қоралаб, уни "Колумбия демократияси ва эркинлигига таҳдид" деб атади.

Богота мери Карлос Фернандо Галан кечаси шифохонада сенатор зудлик билан операция қилинганини ва аҳволи оғир эканини маълум қилди.

Шифохона якшанба куни эрталаб Uribe бош миясида ва чап сонида тиббий муолажалар ўтказилгани, у интенсив терапия бўлимида ҳушсиз ётганини билдирди. Унинг аҳволи жуда оғир деб баҳоланмоқда.

Маҳаллий ОАВларга кўра, воқеадан сўнг полиция қуролланган ҳужумчини таъқиб қилиб, уни оёғидан отиб қўлга олган. Бош прокуратура тарқатган баёнотда гумонланувчи 9 мм калибрли "Glock" тўппонча билан ушланган. Ҳозирда тергов ишлари олиб борилмоқда.

Foto: DW

Колумбия ички ишлар вазири Педро Санчес бу ҳодисани "пасткашона ҳужум" деб атаб, жиноятчилар ҳақида маълумот берганларга 3 миллиард песо (730 минг АҚШ доллари) миқдорида мукофот ваъда қилди.

АҚШ давлат котиби Марко Рубио ҳам бу ҳужумни "демократияга тўғридан-тўғри таҳдид" сифатида баҳолади.

Шунга қарамай, кўплаб колумбияликлар сўнгги пайтларда ҳукумат ва мухолифат ўртасида кучайган кескин ва таҳдидли сиёсий риторикани танқид қилишмоқда.

Ҳодиса олдидан бир ҳафта Колумбия сиёсий ҳаёти таранглашган эди. Президент Gustavo Petro конституциявий ўзгаришлар учун халқдан бевосита қўллаб-қувватлов олишга уринаётган эди. Мухолифат, хусусан Урибе, бу ташаббусни ноқонуний деб атаган эди.

“Бугун бу — оғриқли кун. Бизда сиёсий фарқлар бор, аммо улар сиёсий холос. Энг муҳими — колумбияликлар юрагидан чиқаётган ижобий энергияни бирлаштириб, доктор Migel Урибеннинг ҳаётини сақлаб қолишга ҳаракат қилишимиз керак”, — деди  Колумбия президенти.

Маълумот учун, Uribe 2024 йил октябрь ойида 2026 йил президентлик сайловлари учун ўз номзодини эълон қилган эди. У 2022 йилдан буён сенат аъзоси бўлиб келади.

У Колумбия сиёсатида йирик ўрни бўлган Uribe–Turbay сулоласидан чиққан. Отаси касаба уюшма етакчиси ва тадбиркор бўлган. Онаси эса таниқли журналист Диана Turbay бўлиб, у 1991 йилда Пабло Эскобар бошчилигидаги Меделин картели томонидан ўғирлаб кетилиб, қутқарув амалиёти вақтида ҳалок бўлган эди.