Мираброр Усмонов номидаги хотира турнири эртадан старт олади

"Мираброр Усмонов кубоги" бу – 23 ёшгача бўлган футболчилар ўртасида ҳар йили ўтказиладиган халқаро хотира турнири бўлиб, Осиё минтақасидаги ёш футболчиларни бир майдонга жамлайди. Турнир Тошкент шаҳрида ўтказилади ва 23 ёшгача бўлган Ўзбекистон, Саудия Арабистони ҳамда Япония жамоалари иштирокида ўтади.

Турнир Ўзбекистон спорт ва футбол тарихида алоҳида ўрин тутган Мираброр Зуфарович Усмонов (1947–2019) номи билан аталади. Мираброр Усмонов узоқ йиллар давомида мамлакат спорт сиёсатини шакллантиришда муҳим роль ўйнаган; Ўзбекистон Миллий Олимпия қўмитаси (2013–2017) ва Ўзбекистон Футбол Федерацияси президенти (2005–2017), шунингдек, Марказий Осиё Футбол уюшмаси президенти (2015–2018 йилларда) сифатида фаолият олиб борган. Унинг хотирасини абадийлаштириш мақсадида ташкил этилган ушбу мусобақа нафақат спорт байрами, балки унга бўлган ҳурмат ифодаси ҳамдир.
 

Турнир тақвими қуйидагича:
 
22 июл | 20:00 – Ўзбекистон vs. Саудия Арабистони
25 июл | 20:00 – Саудия Арабистони vs. Япония
28 июл | 20:00 – Ўзбекистон vs. Япония
Учрашувлар "ЖАР" стадионида ташкил этилади.

Ўзбекистон U‑23 жамоаси таркиби:
Бош мураббий Равшан Ҳайдаров бошчилигида тузилган жамоа қуйидаги футболчилардан иборат:

Дарвозабонлар:
Отабек Боймуродов, Самандар Муратбаев, Эдем Неманов.

Ҳимоячилар:
Диёр Ортиқбоев, Отабек Аҳадов, Иззатилло Пўлатов, Маҳмуд Маҳамаджонов, Хондамир Мустафоқулов, Саидафзалхон Ахроров, Жаҳонгир Ўрозов, Дилшод Абдуллаев, Зафармурод Абдирахматов.
Ярим ҳимоячилар:
Муҳаммадали Реъимов, Беҳруз Асқаров, Шерзод Эсанов, Сардор Баҳромов, Ойбек Ўрмонжонов, Равшан Хайруллаев, Нодир Абдураззоқов, Асилбек Жумаев, Носир Абдусаломов.
Ҳужумчилар:
Азиз Холмуродов, Самандар Мавлонқулов, Рустам Турдимуродов, Амирбек Бақаев.
 
2024 йилдаги "Мираброр Усмонов кубоги" футзал йўналишида ўтказилган бўлиб, унда Ўзбекистон, Гватемала, Қирғизистон ва Тожикистон жамоалари иштирок этган. Финалда Ўзбекистон Гватемала устидан 7:4 ҳисобида ғалаба қозониб, кубок соҳибига айланган эди. Ҳар йилги формат ўзгариб туради – бу йилги мусобақа яна футбол шаклида ташкил этилмоқда.