Никарагуа Президенти Нетаняҳуни Гитлерга, Зеленскийни унинг ўғлига қиёслади

Кеча, 15 октябрь куни Никарагуа Президенти Даниэль Ортега мамлакат полициясининг 45 йиллигига бағишланган тадбирда Исроил Бош вазири Бинямин Нетаняҳунинг ҳукумат тепасида туришини ақл бовар қилмайдиган иш деб атаб, унда Яқин Шарқ ва у ердаги халқини йўқ қилиш нияти борлигини таъкидлаган. 

Шунингдек, Президент ўз нутқида Қўшма Штатлар ва Европа Иттифоқи давлатларини Исроилни қўллаб-қувватлаш ва қуроллантиришда айблади.

 "Улар сайёрамизни умумий урушга олиб боради ёки мағлубиятни кутишдан бошқа иложи йўқ", деган у.

Президент тадбирда Яқин Шарқ, айниқса, Фаластин халқига ва қўшни давлатларга қарши амалга оширилаётган бу геноциднинг тугашига умид қилаётганини билдирди. У 11 октябрь куни Исроил билан дипломатик алоқаларни узганини айтиб, Исроилни инсоният душмани деб таърифлаган.

"Кейин Зеленский ҳақида гапирар экан, Никарагуа Президенти уни НАТО Россия Федерациясига қарши урушга киришиш учун муросага эришмоқчи бўлган Гитлернинг ўғли сифатида эслаб ўтган", дейилади хабарда.

Маълумот учун, Никарагуа Россия Президенти Владимир Путиннинг Марказий Америкадаги асосий иттифоқчиси ҳисобланади. Россия Никарагуада биринчи сандинистлар режими (1979-1990) даврида мамлакат қуролли кучларини (AGI) совет қуроллари билан таъминлаган эди.