NYT: Ўзбекистон шамол ва қуёш электр станцияларини қуриш учун миллиардлаб инвестицияларни жалб қилмоқда

АҚШнинг "The New York Times" газетасида "Тоза энергия муаммоларини тушуниш учун биз Ўзбекистонга бордик" сарлавҳали мақола чоп этилди.

Иқтисодиёт

23.09.2025, 10:01

Lotinchada

Улашиш:

Мақолада ёзилишича, якшанба кунидан бошлаб Нью-Йоркда сиёсатчилар, дипломатлар ва бошқа кўплаб таниқли шахслар Иқлим ҳафталигига, БМТ Бош Ассамблеяси ва бошқа тадбирларга, шу жумладан иқлимга бағишлаган глобал тадбирга йиғилади, деб хабар қилмоқда "Дунё" АА мухбири.

"БМТ ҳомийлигида бўлиб ўтадиган йиллик иқлим йиғилиши – CОРга ҳам бир неча ой қолди. Ҳар йили музокаралар тобора долзарблик касб этмоқда. Бу йилги CОР музокаралари Бирлашган Араб Амирликларида бўлиб ўтмоқда.

"Ўзбекистон ривожланаётган давлат бўлиб, Иқлим ҳафталиги ва CОРда кўрсатиладиган кўплаб муаммоларга дуч келмоқда", – дейилган нашрда.

Қайд этилишича, Ўзбекистон шамол ва қуёш электр станцияларини қуриш учун миллиардлаб инвестицияларни жалб қилмоқда.

"Ўзбекистон янги Президент даврида ўз иқтисодиётини очмоқда. Ўзбекистон пойтахти Тошкентда мен билан суҳбатлашган ҳукумат вакиллари қайта тикланадиган энергия манбаларига ўтиш асосий мақсад эканини билдиришди. Бу борада БААнинг йирик "Масдар" компанияси Ўзбекистонда бир неча йирик инвестициявий лойиҳаларни амалга оширмоқда", – дея қўшимча қилади муаллиф.

Мақолада "Биз ҳамма нарсани тезроқ ва арзонроқ қилишни хоҳлаймиз", – дея Ўзбекистон энергетика вазири Жўрабек Мирзамаҳмудов сўзларидан иқтибос келтирилган нашрда.

Қайд этилишича, "Масдар" Ўзбекистонда қайта тикланадиган энергия манбаларига яна кўпроқ инвестиция киритиш ва янги лойиҳалар устида ишламоқда.

Иқтисодиёт

23.09.2025, 10:01

Улашиш:

#инвестиция #станция

мавзуга оид янгиликлар