NYT: Oʻzbekiston shamol va quyosh elektr stansiyalarini qurish uchun milliardlab investitsiyalarni jalb qilmoqda

Maqolada yozilishicha, yakshanba kunidan boshlab Nyu-Yorkda siyosatchilar, diplomatlar va boshqa koʻplab taniqli shaxslar Iqlim haftaligiga, BMT Bosh Assambleyasi va boshqa tadbirlarga, shu jumladan iqlimga bagʻishlagan global tadbirga yigʻiladi, deb xabar qilmoqda "Dunyo" AA muxbiri.

"BMT homiyligida boʻlib oʻtadigan yillik iqlim yigʻilishi – CORga ham bir necha oy qoldi. Har yili muzokaralar tobora dolzarblik kasb etmoqda. Bu yilgi COR muzokaralari Birlashgan Arab Amirliklarida boʻlib oʻtmoqda.

"Oʻzbekiston rivojlanayotgan davlat boʻlib, Iqlim haftaligi va CORda koʻrsatiladigan koʻplab muammolarga duch kelmoqda", – deyilgan nashrda.

Qayd etilishicha, Oʻzbekiston shamol va quyosh elektr stansiyalarini qurish uchun milliardlab investitsiyalarni jalb qilmoqda.

"Oʻzbekiston yangi Prezident davrida oʻz iqtisodiyotini ochmoqda. Oʻzbekiston poytaxti Toshkentda men bilan suhbatlashgan hukumat vakillari qayta tiklanadigan energiya manbalariga oʻtish asosiy maqsad ekanini bildirishdi. Bu borada BAAning yirik "Masdar" kompaniyasi Oʻzbekistonda bir necha yirik investitsiyaviy loyihalarni amalga oshirmoqda", – deya qoʻshimcha qiladi muallif.

Maqolada "Biz hamma narsani tezroq va arzonroq qilishni xohlaymiz", – deya Oʻzbekiston energetika vaziri Joʻrabek Mirzamahmudov soʻzlaridan iqtibos keltirilgan nashrda.

Qayd etilishicha, "Masdar" Oʻzbekistonda qayta tiklanadigan energiya manbalariga yana koʻproq investitsiya kiritish va yangi loyihalar ustida ishlamoqda.