Йўл ҳаракати хавфсизлигини таъминлаш соҳаси рақамлаштирилади

Ўзбекистонда йўл ҳаракати хавфсизлигини таъминлаш соҳасини рақамлаштириш бўйича қўшимча чора-тадбирлар белгиланди. Бу ҳақда “Йўл ҳаракати хавфсизлигини таъминлаш соҳасини рақамлаштириш бўйича қўшимча чора-тадбирлар тўғрисида”ги Ҳукумат қарори (11-сон, 2026 йил 20 январь) қабул қилинди.

Қарорга мувофиқ, Жамоат хавфсизлиги департаменти Йўл ҳаракати хавфсизлиги хизмати ахборот тизимининг “Ma’muriy amaliyot” модули масъул вазирлик ва идораларнинг ахборот тизимлари билан интеграция қилинади.

2026 йил 1 февралдан бошлаб:

• умумий вазни (юк билан) 44 тоннадан ортиқ бўлган юк автомобиллари,
• кон, шахта ва карьерларда қўлланиладиган махсус транспорт воситалари,
• юридик шахсларга тегишли йўналишсиз таксилар,
• шунингдек, “антиквар” автомототранспорт воситалари учун алоҳида серияли рўйхатдан ўтказиш давлат рақами белгилари жорий этилади.

Шунингдек, ишлаб чиқарилганига 50 йил ва ундан ортиқ бўлган транспорт воситаларидан фойдаланиш ҳамда уларни қайта рўйхатдан ўтказиш тақиқланади. Бундай транспорт воситалари давлат рўйхатидан чиқарилади.

Қабул қилинган қарор йўл ҳаракати хавфсизлигини ошириш, маъмурий жараёнларни рақамлаштириш ва транспорт соҳасида самарадорликни таъминлашга қаратилган.