Харидорлар Тошкент дорихоналарида сотилаётган шприцларда камчиликлардан шикоят қилмоқда

Сенатор Жеймс Риш АҚШ Конгрессида Марказий Осиё давлатлари, жумладан Ўзбекистон учун Жексон-Вэник тузатишини бекор қилиш бўйича қонун лойиҳасини тақдим этди. Сенаторнинг фикрича, Марказий Осиё давлатлари «ўта мураккаб геосиёсий қуршовда» қолган.

Оқ уйда бўлиб ўтган учрашувда Қозоғистон президенти Қасим-Жомарт Тоқаев Исроил Бош вазири Биньямин Нетаняху билан телефон орқали мулоқот қилди. Суҳбатнинг асосий мавзуси Қозоғистоннинг «Иброҳим келишувлари»га қўшилиш нияти бўлди. Тоқаевнинг таъкидлашича, ушбу қарор мамлакатнинг халқаро тинчлик ва мулоқотни ривожлантириш, БМТ Низоми асосида халқаро ҳуқуқни қўллаб-қувватлашга бўлган интилишини кўрсатади.

АҚШ президенти ижтимоий тармоқлардаги чиқишида Ўзбекистон келгуси ўн йил ичида АҚШ иқтисодиётига 100 миллиард доллардан ортиқ инвестиция киритишини маълум қилди. Маълумот учун, жорий йил бошида “Uzbekistan Airways” компанияси 8 миллиард долларлик Boeing 787 Dreamliner самолётларини харид қилиш бўйича шартнома имзолаган.

Тошкент шаҳридаги собиқ 1-сонли тергов ҳибсхонаси («Тоштурма») жойлашган ҳудуд тақдири бўйича Сенат ҳокимликка сўров юборган. Ҳокимлик жавобига кўра, Юнусобод тумани Наманган кўчасидаги 2,9 гектарлик ер майдони 2018 йилда хиёбон қуриш учун ҳокимлик балансига ўтказилган. Аммо 2020 йилда бу ер “Ogneupor” МЧЖга компенсация сифатида берилган. Маълумот учун, 1891 йилда қурилган «Тоштурма» биноси 2020 йилларда фаолиятни тўхтатган. 

Ўзбекистон президенти Шавкат Мирзиёев 6 ноябр куни Вашингтон шаҳрига амалий ташрифи доирасида Оқ уйда АҚШ президенти Доналд Трамп билан учрашув ўтказди. Трамп Ўзбекистон етакчисининг АҚШ ҳукумати вакиллари, йирик компаниялари ва молиявий институтлари раҳбарлари билан самарали учрашув ва музокаралар ўтказганини олқишлади.

Россия 1 ноябрь куни Украинада элита ҳарбийларини тақдирлаш маросими пайтида ракета учирган. Натижада бир неча украиналик аскар ҳалок бўлган ва яраланган.  Бундан ташқари, тўрт нафар тинч аҳоли, жумладан 11 ва 14 ёшли болалар ҳам вафот этган, яна олти киши яраланган. Бу ҳақда The Telegraph нашри хабар берди.

7 ноябрь куни сўнгги йиллардаги энг кучли магнит бўрони кузатилиши мумкин. Бу ҳақда Космик тадқиқотлар институти қошидаги Қуёш астрономияси лабораторияси маълум қилди.

Конгресс янги бюджет лойиҳаси бўйича келишувга эриша олмагани сабабли федерал ҳукумат фаолияти қисман тўхтатилган. Натижада минглаб давлат ходимлари маошсиз ишламоқда, миллионлаб америкаликлар эса ижтимоий хизматлардан фойдалана олмаяпти.

Афғонистон —  дунёда энг оғир тарихий изтиробларни бошдан кечириб, шунга қарамай келажакка интилаётган давлат. 40 йиллик урушлар, санкциялар ва яккалашувдан кейин мамлакат ҳозир Марказий Осиёдаги энг катта сув канали — Қўштепа, янги мегаполис — Kabul New City ва бир неча йирик гидроэнергетика лойиҳаларини амалга оширмоқда.

3 ноябрдан бошлаб Санкт-Петербургда хорижий фуқароларнинг курьерлик соҳасида ишлашига чеклов қўйилди. Қарор асосан патент билан ишлаётган Озарбойжон, Ўзбекистон, Тожикистон, Молдова ва Украина фуқароларига тегишли. Бироқ, бу қарорнинг иқтисодий натижалари — логистика тизимидаги издан чиқишлар ва етказиб бериш хизматларининг секинлашиши — яқин ойларда ўзини сездириши мумкин.