Қўшни Афғонистонда 3,5 миллиондан ортиқ бола тўйиб овқатланмаганлиги учун касалликка чалинмоқда

Қайд этилишича ушбу инқироз инқироз мигрантларнинг мамлакатга қайтиш сонинг кўпайиши ва мавжуд ресурсларнинг камайиши туфайли кундан-кунга чуқурлашиб бормоқда.

"Овқатланиш ахборот тизими маълумотлари шуни кўрсатмоқдаки, оғир даражадаги ўткир тўйиб овқатланмасликка чалинган 28 мингдан ортиқ бола касалхонага ётқизилган. Улар олти ойгача бўлган ёшда бўлиб, уларнинг 30 фоизи фақат она сути истеъмол қилиши лозим бўлган ёшдадир. Шу боис, эмизиш тўйиб овқатланмасликнинг олдини олишда ҳал қилувчи аҳамиятга эга",  —  деди УНИCЕФънинг Афғонистондаги овқатланиш бўлими бошлиғи Амирҳоссеин Ярпарвар

Жамоат саломатлиги вазирлиги чақалоқни дастлабки олти ой давомида фақат она сути билан озиқлантириш гўдаклар ўлимининг 50 фоизигача камайтиришга ёрдам бериши мумкинлигини айтмоқда.

Жамоат соғлиқни сақлаш вазирлигининг профилактик тиббиёт бўйича директори Ҳайдархон Ҳайдар иқтисодиёт, савдо ва молия вазирликлари ўзларининг оммавий кампанияларида бошқа сут маҳсулотларини реклама қилиш ўрнига эмизишни тарғиб қилишлари кераклигини айтмоқда.

Унинг айтишича, бундай ҳамкорлик соғлом жамият қуришда муҳим аҳамиятга эга.

Вазирлик вакилларининг маълумотларига кўра, ҳозиргача оғир ва ўртача даражадаги тўйиб овқатланмасликдан азият чекаётган икки миллиондан ортиқ бола мамлакат шифохоналарида даволанган. Эрон ва Покистондан афғон муҳожирларининг ҳар доимгидан кўпроқ мамлакатга қайтиши соғлиқни сақлаш ва овқатланиш хизматларига бўлган эҳтиёж ҳар қачонгидан ҳам ортиб бормоқда.