Россия мигрантлар учун бепул тиббий ёрдам тартибини чекламоқда

Россия Давлат думаси хорижлик ишчилар учун мажбурий тиббий суғурта (МТС) полисини расмийлаштириш талабларини қатъийлаштирувчи қонун лойиҳасини маъқуллади. Янги тартибга мувофиқ, мигрантлар МТС полисини олиш учун Россия ҳудудида камида 5 йиллик меҳнат стажига эга бўлиши шарт бўлади.

Ўзбекистон

22.11.2025, 12:24

Lotinchada

Улашиш:

Бепул тиббий ёрдам — фақат 5 йиллик стаждан сўнг

Давлат думаси раиси Вячеслав Володиннинг таъкидлашича, бепул тиббий ёрдам фақат Россияда камида беш йил қонуний асосда ишлаган мигрантларга кўрсатилади. Фақат фавқулодда ҳолатлар истисно қилинади.

«Россияда ишлашни хоҳлаган ва юқори ижтимоий кафолатлардан фойдаланишни истаганлар бу имкониятга ҳалол ва қонуний меҳнат орқали эришиши керак», — деди Володин.

Ҳозирги кунда МТС полисини олиш учун 3 йиллик иш стажи етарли эди. Қонун кучга киргач, талаб этиладиган стаж 5 йил этиб белгиланади.

Янги тартиб кимларга татбиқ этилмайди?

Юқори малакага эга мутахассислар — амалдаги қоидалар асосида МТС полисини олиш ҳуқуқида қолади.
ЖСТга аъзо мамлакатлар компанияларининг Россиядаги филиал ва ваколатхоналарига юборилган ходимлар — имтиёзли тартиб сақланади.

Ҳужжат Россия президенти имзолаганидан сўнг кучга киради.

Аввалроқ Россия президенти Владимир Путин 2026–2030 йилларга мўлжалланган янги миграция сиёсати концепциясини тасдиқлаганди. Унда 2030 йилгача мигрантлар оқими ўсиши давом этиши қайд этилган.

Сентябрь ойида Россияда ишламайдиган мигрант оилалари учун пуллик яшаш тартибини жорий этиш таклифи берилган эди.

1 сентябрдан бошлаб мигрантлар учун рўйхатдан ўтиш, миграция ҳисоби ва меҳнат фаолиятига рухсат олиш билан боғлиқ давлат божлари оширилган.

Ўзбекистон

22.11.2025, 12:24

Улашиш:

#Россия #мигрантлар #чеклов

мавзуга оид янгиликлар