Шавкат Мирзиёев БМТ Бош Ассамблеясининг 80-сессиясида нутқ сўзлади

Глобал вазият: халқаро институтларнинг ролининг пасайиши, уруш ва низолар, тенгсизлик, иқтисодий ва гуманитар инқирозлар ортиши ҳақида тўхталди.

БМТ ислоҳоти: Хавфсизлик Кенгашини кенгайтириш ва трансформация қилиш таклифи билдирилди.

Янги Ўзбекистон ислоҳотлари: камбағалликни кескин камайтириш, таълим ва соғлиқни сақлаш тизимини ривожлантириш, гендер сиёсати, “яшил” иқтисодиёт, 2030 йилгача юқори даромадли давлатлар қаторига кириш мақсади.

Марказий Осиё сиёсати: минтақада тинчлик ва интеграцияга эришилгани, савдо ва инвестициялар ошгани, қўшма лойиҳалар амалга оширилаётгани қайд этилди.

Афғонистон: уни якка қолдирмаслик, йирик иқтисодий ва инфратузилма лойиҳалар амалга ошириш зарурлиги таъкидланди.

Ғазо ва Фаластин: Ғазодаги гуманитар инқирозга эътибор қаратилди, ҳарбий ҳаракатларни тўхтатиш, “икки халқ – икки давлат” ечимига содиқлик билдирилди.

Украина: муаммони дипломатик йўл билан ҳал қилиш қўллаб-қувватланди.

Терроризмга қарши кураш: минтақавий кенгаш тузилгани, Ўзбекистонда Терроризмга қарши кураш бошқармаси офисини очишга тайёрлик айтилди.

Иқлим ва экология: Оролбўйи тикланиши, сув инқирози, иқлим миграцияси масалаларида глобал чоралар таклиф қилинди.

Ёшлар ва маърифат: “Жаҳон ёшларининг тинчлик ҳаракати” ташаббуси, Ислом цивилизацияси маркази, буюк алломалар меросини тарғиб этиш режаси айтиб ўтилди.

Президент нутқини тўлиқ ҳолда қуйидаги ҳавола орқали ўқишингиз мумкин.