updated: 22.03.2026, 17:55

Кескинлашган Исроил-Туркия муносабатлари ёхуд "янги усмонийлик" сиёсати

2024 йил сўнггида Сурияда Башар Асад режими қулагач вазият кескин ўзгарди. Туркия Сурияда Эроннинг ўрнини эгаллашга ва мамлакатда ҳарбий базасини жойлаштиришга ҳаракат қилмоқда. Сурия билан қўшма мудофаа шартномасига кўра Палмира, Ҳама ва Т 4 авиабазаси Туркияга берилиши кўзда тутилган эди. Шунингдек, сўнгги ҳафталар давомида туркиялик мутахассислар томонидан ушбу ҳарбий базалар кўздан кечирилган эди.

Сиёсат

12.04.2025, 13:43

Lotinchada На русском языке In English

Улашиш:

Туркиянинг бу ҳаракатлари эса Исроилнинг жиддий қаршилигига дуч келмоқда. Исроил армияси Сурияга, айниқса, унинг жанубий вилоятларига ҳаво ҳужумларини давом эттирмоқда. Жумладан, Туркия кўздан кечирган иккита базага ҳужум қилди. Бу турклар учун жиддий сигнал бўлди.

Бу икки йирик минтақавий куч марказларининг бевосита чегарага эга бўлиши минтақада вазиятни кескинлаштиради. Исроил Туркиянинг Сурияга жойлашувини ўз хавфсизлигига таҳдид ҳисобламоқда.

"Янги усмонийлик"—2000 йилларда Туркияда кучая бошлаган ҳаракат бўлиб, собиқ Усмоний империясининг ҳудудларида ўз таъсирини кучайтиришга қаратилган тенденция саналади. Бу тенденция, айниқса, Ражаб Тоййиб Эрдўған даврида кучая бошлади.

Афтидан, Эрдўған Сурияда базаларни жойлаштириш орқали ўз позициясини кучайтиришни мақсад қилган. Бироқ, бу амбициялар Исроилнинг фаол қаршилигига дуч келмоқда.

Туркиянинг минтақавий амбициялари ва Исроилнинг хавфсизлик сиёсати минтақада янги қарама-қаршиликни вужудга келтирмоқда. Сурия ва Ливан келажакда вужудга келиши мумкин бўлган можаро учун плацдарм вазифасини ўташи мумкин.

Азизбек Олимов

Сиёсат

12.04.2025, 13:43

Улашиш: