22 ёшли қиз эркаклар футбол кулубига мураббий бўлди

Туркиянинг Turgutluspor футбол клуби жамоа бош мураббийи лавозимига 22 ёшли Зейнеп Местанни тайинлади. У клубнинг катталар таркибидаги эркаклар жамоасини бошқарган биринчи аёл мураббий бўлди.

Зейнеп Местан 2004 йил 30 июль куни Измир вилоятининг Борнова туманида дунёга келган.
У футболчилик фаолиятини 2019 йилда бошлаган ва “Konak Belediyespor”, “Bornova Xitab Spor” каби клубларда ўйнаган.

Клуб раҳбарияти унинг тайинловини янги давр бошланиши сифатида баҳолаган.
Зейнеп Местаннинг тайинлангани клуб томонидан сешанба куни ижтимоий тармоқларда расман эълон қилинган.
Клуб баёнотида Местан янги мавсумнинг тузилиши ва мақсадларига мувофиқ бош мураббийлик лавозимига тайинлангани қайд этилган.

«Клубимиз янги мавсумнинг тузилиши ва мақсадларига мувофиқ бош мураббийлик вазифаси учун Зейнеп Местан билан келишувга эришди», — дейилади хабарда.
Turgutluspor шунингдек, Местан клубда янги таркиб ва техник ишларни бошқаришини маълум қилган.

Унинг тайинланиши билан Туркия клуби тарихида янги саҳифа очилди — Местан катталар таркибидаги эркаклар жамоасини бошқарган биринчи аёл мураббий сифатида тарихга кирди.

Муаллиф: Ҳасанбой ОЧУН